მთავარისიახლეებისაზოგადოებასანდრა რულოვსის ლექცია თსუ-ში საზოგადოებრივი ჯანდაცვის თანამედროვე გამოწვევებზე

სანდრა რულოვსის ლექცია თსუ-ში საზოგადოებრივი ჯანდაცვის თანამედროვე გამოწვევებზე

Published on

გლობალური ჯანმრთელობის დიპლომატიისა და სამედიცინო ანთროპოლოგიის საკითხები – ასეთია თემა ლექციისა, რომელიც  საქართველოს უნივერსიტეტის ლექტორმა სანდრა რულოვსმა წაიკითხა თსუ-ში,  სამაგისტრო სწავლების სტუდენტებისთვის  ნორვეგიიდან და საქართველოდან.
,, ძალიან საინტერესო ინტერაქტიული ორი საათი გავატარე მათთან.  '' – წერს ლედი სანდრა რულოვსი თავის ფეისბუქგვერდზე.
 
 
სამაგისტრო პროგრამა ერთობლივი პროექტის „საქართველო-ნორვეგიის თანამშრომლობა საზოგადოებრივ ჯანდაცვაში“ ფარგლებში შემუშავდა. პროექტი  ნორვეგიის განათლების სფეროში საერთაშორისო კოოპერაციის ცენტრის (SIU) ევრაზიასთან თანამშრომლობის პროგრამის ფარგლებში გამართული კონკურსის ერთ-ერთი გამარჯვებულია. . პროექტის კოორდინატორი ნორვეგიაში _ ნორვეგიის არქტიკული უნივერსიტეტია, ხოლო საქართველოში – ივანე ჯავახიშვილის სახელობის თბილისის სახელმწიფო უნივერსიტეტის მედიცინის ფაკულტეტი. ამას გარდა, პროექტში მონაწილეობენ: საქართველოს უნივერსიტეტი, დაავადებათა კონტროლისა და საზოგადოებრივი ჯანმრთელობის ეროვნული ცენტრი, გაეროს ბავშვთა ფონდი, ორგანიზაცია:„კონსულტირებისა და ინფორმაციული ტექნოლოგიების ინოვაციები“.
 
პროექტის ფარგლებში გათვალისწინებულია რეგისტრებზე დაფუძნებული ეპიდემიოლოგიისა და საზოგადოებრივი ჯანდაცვის სფეროში არსებული ცოდნის ტრანსფერი ნორვეგიიდან საქართველოში.
 
 
სამაგისტრო პროგრამაზე, „საზოგადოებრივი ჯანდაცვა“ სწავლების ენა ინგლისურია. სტუდენტებს ლექციებს თსუ აკადემიური პერსონალის წარმომადგენლები, ნორვეგიის არქტიკული უნივერსიტეტის პროფესორები, დაავადებათა კონტროლისა და საზოგადოებრივი ჯანმრთელობის ეროვნული ცენტრიდან მოწვეული სპეციალისტები უტარებენ. 
 
პროგრამის კოორდინატორები თვლიან, რომ საქართველოს პირველი ლედის ცოდნა და გამოცდილება უაღრესად მნიშვნელოვანია ისეთი  სპეციალისტების მომზადებისთვის, რომლებსაც საერთაშორისო სტანდარტების შესაბამისი ცოდნა, უნარები და დამოკიდებულებები ექნებათ, რაც საზოგადოებრივი ჯანდაცვის თანამედროვე გამოწვევებზე საპასუხოდაა აუცილებელი.
 
როგორც თსუ მედიცინის ფაკულტეტის საზოგადოებრივი ჯანდაცვის დეპარტამენტის წარმომადგენელი, ასოცირებული პროფესორი და ამავე დროს პროექტის ,,საქართველო-ნორვეგიის კოლაბორაცია საზოგადოებრივ ჯანდაცვაში" საქართველოს კოორდინატორინინო ჩიხლაძე განმარტავს, სამაგისტრო პროგრამა მიზნად საზოგადოებრივი ჯანდაცვის სპეციალისტების ახალი თაობის მომზადებას ისახავს. 
 
 

სიახლეები

20 ნოემბრის დღის მეორე ნახევრიდან ამინდი გაუარესდება – სააგენტოს პროგნოზი

გარემოს ეროვნული სააგენტოს ინფორმაციით, დასავლეთ საქართველოში 20 ნოემბრის დღის ბოლოდან 23 ნოემბრამდე და აღმოსავლეთ...

დაახლოებით სამი სართულის ნანგრევი ეყარა მას თავზე… ხელი როდესაც მოგვიჭირა მივხვდით, რომ კონტაქტური იყო -მეხანძრე-მაშველი 3 წლის თაიაზე

დაახლოებით სამი სართულის ნანგრევი ეყარა მას თავზე... ხელი როდესაც მოგვიჭირა მივხვდით, რომ კონტაქტური იყო ...

ალექსანდრე მუხაძეს უზენაესმა სასამართლომ 14-წლიანი პატიმრობა მიუსაჯა

საქართველოს უზენაესმა სასამართლომ დააკმაყოფილა პროკურატურის საჩივარი და პატიმრის წამებისთვის მსჯავრდებულ, სასჯელაღსრულების დეპარტამენტის მე-8 დაწესებულების...

კორპუსის აფეთქებას ფონიჭალაში 6 ადამიანი ემსხვერპლა

ფონიჭალაში 19 ნოემბერს მომხდარ ტრაგედიას 6 ადამიანი ემსხვერპლა. დაღუპულები არიან: ხუთი შვილის დედა ნინო...