ზუგდიდში, ქირიას ქუჩა #18 მდებარე სუპერმარკეტი გაქურდეს. როგორც მაღაზიის მეპატრონე როინ აშორდია აცხადებს, მაღაზია წგუშინ, გვიან ღამით დაკეტა, ამ დილით კი რკინის კარები გატეხილი დახვდა. მისი თქმით, წაღებულია პროდუქტები და ,,თი ბი სი" ბანკის ჩასარიცხი აპარატი.
ამ რამდენიმე წუთის წინ ჩასარიცხი აპარატი მაღაზიის მახლობლად მცხოვრები მეზობლის უკანა ეზოში იპოვეს. სახლის პატრონისთვის უცნობია, როგორ აღმოჩნდა აპარატი მის ეზოში.
აღსანიშნავია, რომ თახნის ჩასარიცხი აპარატი რამდენიმე თვის წინ წინამდებარე მაღაზიიდანაც მოიპარეს.
ადგილზე დილიდანვე მუშაობენ ექსპერტ-კრიმინალისტები.
შსს-ს ინფორმაციით, საქმე აღძრულია და გამოძიება მიმდინარეობს სსსკ-ის 177-ე მუხლით, რაც ქურდობას გულისხმობს.