დღეს გახდება ცნობილი მიიღებს თუ არა მონაწილეობას თვითმმართველობის არჩევნების მეორე ტურში ”ნაციონალური მოძრაობა”
პარტიის პრესსამსახურში აცხადებენ, რომ ეს საკითხი პოლიტსაბჭოს დღევანდელ სხდომაზე განიხილება. ამავე დროს პარტიის ლიდერები სხვა საკითხებზეც – ზოგადად, სამომავლო გეგმებთან დაკავშირებითაც იმსჯელებენ.
პოლიტსაბჭოს სხდომა პარტიის ცენტრალურ ოფისში 15:00 საათზეა დანიშნული.
მეორე ტურში ”ნაციონალური მოძრაობიდან” მარტვილის მერობის კანდიდატი მამუკა დანელია და ქუთაისის მერობის კანდიდატი გრიგოლ ვაშაძე გავიდნენ.