მარტვილის მერობის კანდიდატი მამუკა დანელია, რომელმაც მიუხედავად დიდ წინაღობებისა, ძლიერი კონკურენცია გაუწია მმართველი პარტიის კანდიდატს, მეორე ტურში მონაწილეობას არ მიიღებს.
გრიგოლ ვაშაძის გარდა ის ერთადერთი კანდიდატია ,,ნაციონალური მოძრაობიდან'', რომელმაც პირველივე ტურში გამარჯვების გეგმები ჩაუშალა ოცნებას და მის კანდიდატს, ამასთან ამომრჩეველზეე არნახული ზეწოლისა და დაღვევების ფონზე საკმაოდ მაღალი შედეგები უჩვენა.
დღეს დილიდან მისი მხარდამჭერები მარტვილში ,,ოდიში ნიუთან'' საუბარში ადასტურებდნენ მზაობას ებრძოლათ მეორე ტურში, მაგრამ, როგორც ცნობილი გახდა პარტიის პოლიტსაბჭომ მიიღო გადაწყვეტილება, რომლის თანახმად მერობის კანდიდატები გრიგოლ ვაშაძე და მამუკა დანელია მეორე ტურში მონაწილეობას არ მიიღებენ.
მამუკა დანელიამ მადლობა გადაუხადა მარტვილელ ამომრჩევლებს მხარდაჭერისთვის და ამასთან განმარტა მიზეზბი, რომელთა გამო იგი მეორე ტურში კენჭს აღარ იყრის.
მისი განცხადებით, იგი ეთანხმება პოლიტსაბჭოს გადაწყვეტილებას და, თუმცა პირადად მზად იყო მეორე ტურისთვის, თავს იკავებს იმის გამო, რომ მის მხარდამჭერებზე არ განხორციელდეს ზეწოლა.