კატალონიაში ესპანეთის პრეზიდენტის პირდაპირი მმართველობის დაწესება იგეგმება

0
478
გუშინ ესპანეთის პრემიერმინისტრმა მარიო რახოიმ  მთავრობის საგანგებო სხდომის შემდეგ განაცხადა, რომ უნდა ამოქმედოს ესპანეთის კონსტიტუციის 155-ე მუხლი, რომელიც ითვალისწინებს რეგიონზე პირდაპირი მმართველობის დაწესებას, ხოლო სენატმა უახლოეს დროში უნდა დაამტკიცოს ეს გადაწყვეტილება.
ეს ნიშნავს,  კატალონიის ლიდერების გადაყენებას, ვადამდელი არჩევნების დანიშვნასა და რეგიონული პარლამენტის უფლებამოსილების შეზღუდვას.
 
 
ამ განცხადებას კატალონიაში დიდი ვნებათაღელვა მოყვა. კატალონიის ავტონომიის პრეზიდენტი კარლეს პუჩდემონი გეგმას გმობს და ოფიციალურ მადრიდს დემოკრატიაზე თავდასხმაში ადანაშაულებს.
მისი  განცხადებით, საპასუხო ნაბიჯების განსახილველად ის კატალონიის პარლამენტის სესიას მოიწვევს.
 
 
 კატალონიის საკანონმდებლო ორგანოს სპიკერმა მადრიდის ეს განცხადება ევროკავშირის წევრ ქვეყანაში ავტორიტარულ გადატრიალებას შეადარა. 
ბარსელონაში დამოუკიდებლობის მხარდამჭერთა მორიგი აქციაც გაიმართა, რომელშიც ნახევარ მილიონამდე ადამიანმა მიიღო მონაწილეობა.
 
 

წინა სტატიაიტალიური მედია: კიდევ ერთხელ მიხეილ ქირიას წარმატებაზე ვერდის საოპერო ფესტივალზე
შემდეგი სტატიავინ არის დათა შელია, ერთადერთი გამარჯვებული მაჟორიტარი კანდიდატი ზუგდიდში ,,ნაციონალური მოძრაობიდან”?
ტელეკომპანია ოდიშის საინფორმაციო სამსახური