MTG Lirica: ,,მეთხუთმეტე ფალსტაფის შესრულებისთვის აუცილებელი ღრმა შინაგანი მზაობისა და შესაძლებლობების მქონე მიხეილ ქირია. იგი ქმნის ტესტს, როგორ უნდა იყო ფოკუსში როგორც ვოკალური, ისე ინტერპრეტაციის ხედვის თვალსაზრისით. თავის თავში დარწმუნებული ხელოვანი, გადამლაშების გარეშე, თამამად ასხამს ხორცს მოხუცი ჯენტლმენის სახეს, რომელიც შორეული ახალგაზრდობის იმედებს ელაციცება.'' – ეს არის ფრაგმენტი ერთ-ერთი იმ აღტაცებულ შეფასებებიდან და რეცენზიებიდან, , რომელიც ცნობილი საოპერო მომღერლის მიხეილ ქირიას შესრულებას მოყვა იტალიაში, პარმაში გამართულ ვერდის საოპერო ფესტივალზე.
,,შესანიშნავი შესრულება !'' – ასე ეხმაურებიან ფესტივალის ორგანიზატორები და მსმენელები მიხეილ ქირიას წარმატებულ გამოსვლას, რომელიც მშვენიერი ვოკალისა და არტისტიზმის შერწყმის ნიმუშად შეფასდა იტალიურ მედიაში.
შეგახსენებთ, ქართველმა ბარიტონმა პარმასი შეასრულა სერ ჯონ ფალსტაფის პარტია ოპერიდან ,,ფალსტაფი'' .
ჯუზეპე ვერდის ეს ოპერა , რომელიც შექსპირის ,,უინძორელი ლამაზმანების"' მოტივებზეა შექმნილი და განსაკუთრებით მისი მთავარი პერსონაჟის საოპერო პარტია განსაკუთრებულ საშემსრულელო ხელოვნებას მოითხოვს და მისი დაძლევა მნიშვნელოვან მოვლენაა ნებისმიერი რანგის მომღერლისათვის, მით უფრო ცნობილ საოპერო სცენებზე. ამდენად წარმატება ფალსტაფში სამუდამოდ დარჩება ერთერთ უმთავრეს მიღწევად მიხეილ ქირიას შემოქმედებით ცხოვრებაში, მიუხედავად იმისა, რომ იგი ძალზე ახალგაზრდა, მზარდი ხელოვანია და კიდევ მრავალ ურთულეს პარტიასთან მოუწევს შეხვედრა
