,,იმ მომენტში უკვე ყველა იმით ვიყავით კმაყოფილი, რომ სიცოცხლე შევინარჩუნეთ“ – ,,ჩიხურას” ფეხბურთელები ავარიაში მოყვნენ

0
401

ცენტრალურ ავტომაგისტრალზე, საჩხერის ”ჩიხურას” მიკროავტობუსი ავარიაში მოყვა. კლუბის კუთვნილი მიკროავტობუსი ხაშურთან გზის სავალი ნაწილიდან გადავარდა და ამოტრიალდა.

ავტობუსში კლუბის ფეხბურთელები იმყოფებოდნენ, რომელებიც გასვლითი მატჩიდან სახლში ბრუნდებოდნენ.

მიკროავტობუსში მყოფ პირებს მძიმე დაზიანებები არ მიუღიათ. დაშავებული ფეხბურთელების ჯანმრთელობის მდგომარეობა დამაკმაყოფილებელია, რაც შეეხება შედარებით მძიმედ დაშავებულ  გუნდის კაპიტანს შოთა კაშიას, რომელსაც ლავიწის ძვალი აქვს გატეხილი, უკვე ჩაუტარდა ოპერაცია და ამ დროისთვის თავს კარგად გრძნობს. ექიმების პროგნოზით დაშავებული ფეხბურთელი თამაშის გაგრძელებას რამდენიმე თვეში შეძლებს.

„ოპერაციამ კარგად ჩაიარა. პაციენტი იმყოფება პოსტოპერაციულ პალატაში, თავს გრძნობს კარგად. ხვალ გაეწერება ამბოლატორიულ მკურნალობაზე,“ – განაცხადა ტრავმატოლოგმა დავით ზაქრაძემ.

 

„რომ გადმოვედით მანქანიდან და შევხედეთ მანქანას, მეტი არაფერზე იყო ფიქრი, მთავარი იყო, რომ გადავრჩით. დასანანია, რომ ასეთი ტრავმა მოუვიდა, მაგრამ სიმართლე გითხრათ, იმ მომენტში უკვე ყველა იმით ვიყავით კმაყოფილი, რომ სიცოცხლე შევინარჩუნეთ,“ – განაცხადა საჩხერის ”ჩიხურას” ფეხბურთელმა ბაჩანა ცხადაძემ. .
წინა სტატიააშშ საელჩო საქართველოში მთავრობას მოუწოდებს, სწრაფად გამოიძიოს არჩევნებთან დაკავშირებით შესული საჩივრები
შემდეგი სტატია,,ამირან – დევნი შეიბნენ..”- ნინო ბურჯანაძე ბიძინა ივანიშვილს ემუქრება
ტელეკომპანია ოდიშის საინფორმაციო სამსახური