ზუგდიდის საოლქო საარჩევნო კომისიაში წუხანდლიდან არ გაკეთებულა რაიმე განცხადება ადგილობრივი თვითმმართველობის არჩევნებთან დაკავშირებით, როგორც კომისიის სამუშაო ოფისის ჩაკეტილ კარებთან ,,ოდიში ნიუსის'' ჟურნალისტს განუმარტეს, ,,კომისიის თავმჯდომარეცა და წევრებიც ადამიანები არიან და გუშინდელი დაძაბული მუშაობის შემდეგ დასვენება ესაჭიროებათ''.
შესაბამისად, ზუგდიდში ჩატარებულ არჩევნებზე ამ დროისათვის არსებული ინფორმაციის მოძიება პირველწყაროს – საოლქო საარჩევნო კომისიის ნაცვლად მხოლოდ ცენტრალური საარჩევნო კომისიის ვებგვერდზეა შესაძლებელი.
ცესკოს მონაცემებით, ხმები ქალაქ ზუგდიდის მერობის კანდიდატებსა და პარტიებს შორის შემდეგი ურთიერთშეფარდებით გადანაწილდა:
1. ,,ევროპული საქართველოს'' მერობის კანდიდატმა ლელა ქებურიას ხმა მისცა 4040-მა ამომრჩეველმა, ხოლო თვითონ პოლიტიკურ პარტიას 5688-ამომრჩეველმა
.
2.,, ნაციონალური მოძრაობის'' კანდიდატმა ლევან კონჯარიამ მიიღო 5764 ხმა ხოლო ნაციონალურ მოძრაობას ნდობა 9805 ადამიანმა გამოუცხადა.
3. პარტია ,,ქართულ ოცნებას'' მხარი დაუჭირა 22430-მა ამომრჩეველმა, ხოლო თავად მერობის კანდიდატმა ლაშა გოგიამ 23426 ხმა მიიღო.