"ნაციონალური მოძრაობის" წევრმა ლევან ბეჟაშვილმა დღეს გამართულ ბრიფინგზე პირველადი მონაცემები შეაჯამა.
"თბილისში წარმოუდგენელი დარღვევით მიმდინარეობს არჩევნები, აქამდე არ დაფიქსირებულა ასეთი ვითარება.
ირღვევა ხმის ფარულობის პრინციპი. "ქართული ოცნების" წევრები დგანან უბნებთან და იწერენ ამომრჩევლების საარჩევნო რეგისტრაციის ნომრებს. ამის მიზანია,მოხდეს ზეწოლა ადმინისტრაციულ რესურსზე, რომ გააკონტროლონ, ვინ მივიდა ხმის მისაცემად. ჩვენ გვაქვს ამის დამადასტურებელი ვიდეო მასალა. შეტანილია საჩივრები, მაგრამ ამ წუთამდე ცესკოს ამაზე განცხადება არ გაუკეთებია. მოვუწოდებთ თამარ ჟვანიას, რომ გამოვიდეს და მოახდინოს რეაგირება. ასევე მივმართავთ ამომრჩეველს, მიუხედავად უხეში ზეწოლისა, მიუხედვადა ამ დარღვევებისა, მივიდნენ და გააკეთონ საკუთარი არჩევანი, რადგან წინააღმდეგ შემთხვევაში ვერავინ გაიგებს, ვინ ვის მისცა ხმა '' – განაცხადა ლევან ბეჟაშვილმა.
ბეჯავილის განცხადებით დაიწერა საჩივრები რამდენიმე დარღვევაზე. დუშეთის მე-13 უბანზე ჯერ კიდევ არ მიუტანიათ ბიულეტინები. ბოლნისში, მე-20 უბანზე „ნაციონალური მოძრაობის“ საუბნო საარჩევნო კომისიის წევრზე თავდასხმა მოხდა. ,,კიდევ ერთი თავდასხმა ჩვენს კანდიდატზე კი, ახალციხეში მოხდა“ – აღნიშნა მან.