საქართველოს კათოლიკოს პატრიარქმა ილია მეორემ ხმა უკვე მისცა ადგილობრივი თვითმმართველობის არჩევნებზე.
მისი მარკირება ამჯერადაც არ მოუხდენიათ.
საუბნო საარჩევნო კომისიის თავმჯდომარე ნინო ლიპარტია განმარტავს, რომ ილია მეორის მარკირება მისი სურვილიდან გამომდინარე არ მოხდა.
"მე როგორც ვიცი პატრიარქი არც ერთ არჩევნებზე მარკირებას არ იკეთებს. ჩვენ გვქონდა დაცვასთან შეთანხმება, რომ შევთავაზებდით და ამ შემთხვევაში,თუ მას ექნებოდა სურვილი, გავუკეთებდით მარკირებას. თუმცა არ გავუკეთეთ, რადგან მართლმადიდებელი ქრისტიანები ვართ და პატივისცემა გაგვაჩნია და გამოვხატეთ ამით. არ დავაძალეთ და ვენდეთ'' – აცხადებს იგი.
. .საარჩევნო უბანზე პატრიარქის მისვლამდე რამდენიმე წუთით ადრე, მისი დაცვის თხოვნით, წინასწარ გაამზადეს ბიულეტენები. უშუალოდ ხმის მიცემამდე, საარჩევნო კომისიის რეგისტრატორმა ილია მეორეს ხელზე აკოცა, რის შემდეგაც პატრიარქი საარჩევნო კაბინაში შევიდა ხმის მისაცემად.
პატრიარქმა წინა არჩევნებზეც მარკირების გარეშე მისცა ხმა.