ინცინდენტი ნაწულუკუში. საუბნო კომისიის თავმჯდომარემ დამკვირვებელს ტელეფონი წაართვა

0
374
ზუგდიდის მუნიცილიტეტის სოფელ ნაწულუკუს   65-ე საარჩევნო უბანზე კომისიის ერთერთმა წევრმა თეა ესართიამ წილისყრაზე უარი განაცხადა ჯანმრთელობის მდგომარეობის გამო.   ამით განაწყენებულმა კომისიის თავმჯდომარემ რომეო ბულიამ  თავს ხმამაღალი საუბრის უფლება მისცა და, როგორც თავად განაცხადა, მოეჩვენა, რომ  ამის დაფიქსირება არასამთავრობო ორგანიზაცია „სამართლიანი არჩევნების“დამკვირვებელმა  ზაალ არქანიამ მობილური ტელეფონით სცადა და ამიტომ   ტელეფონი წაართვა.
 
ინფორმაცია ამის შესახებ ორგანიზაციის  ზუგდიდის ოფისის ხელმძღვანელმა დათა აქუბარდიამ გაასაჯაროვა.  
 
„კომისიის თავმჯდომარე გაბრაზებული იყო კომისიის ერთ-ერთ წევრზე, თეა ესართიაზე, რომელმაც წილისყრაზე უარი განაცხადა  თავმჯდომარეს მოეჩვენა, რომ ზაალ არქანია ტელეფონით იღებდა და ამიტომ წაართვა, თუმცა ინცინდენტი მალევე აღმოიფხვრა და მას ტელეფონი მალევე დაუბრუნეს“, – განაცხადა მან სააგენტო ,,ლაივ პრესთან'' საუბარში'' 
წინა სტატიაზუგდიდის #1-ელ უბანში საკუთარი არჩევანი უკვე დააფიქსირა პირველმა ამომრჩეველმა
შემდეგი სტატიაგიორგი მარგველაშვილი: ამ არჩევანით ჩვენ ვაკეთებთ არჩევანს უფრო ჩართულ, უკეთეს თვითმართველობაზე
ტელეკომპანია ოდიშის საინფორმაციო სამსახური