ზუგდიდში 12 წლის აუტისტური სპექტრის მქონე მოზარდის სახელოსნო გაიხსნა. მან ხატვა სამი წლის ასაკიდან დაიწყო. გიგის დედა ამბობს, რომ ის პატარაობიდანვე კარგად ხატავდა, ძერწავდა. მისი ნახატები ფანქარში, გუაშსა და ზეთშია შესრულებული. კარგად აქვს განვითარებული ფანტაზია და მის მიერ შესრულებული ქაღალდის მანქანები ძალიან ჰგავს ნამდვილს, თითოეული დეტალი სათითაოდ აქვს დამუშავებული. მისი მასწავლებელი ნინო ჟვანია ამბობს, რომ გიგი უნიჭიერესი მოსწავლეა, ის არჩევანში თავისუფალია, თუმცა გამორჩეულად ფერწერა უყვარს.ეს სახელოსნო ღიაა ყველასთვის, ვისაც გიგის გამოცდილების გაზიარება სურს, ასევე აუტისტური სპექტრის მქონე ბავშვებისა და მათი მშობლებისთვის ის ხელს შეუწყობს მათ საზოგადოებაში ინტეგრაციაში.