“წინასაარჩევნოდ ზეწოლა-მუქარის 23, სამსახურიდან სავარაუდოდ პოლიტიკური ნიშნით გათავისუფლების 1, ძალადობის 2, კამპანიისთვის ხელის შეშლის 3, ადმინისტრაციული რესურსის გამოყენების 6, შენობის არამართლზომიერი გამოყენების 1, აგიტაციაში კანონდარღვევით მონაწილეობის 5, სააგიტაციო მასალის დაზიანების 11 შემთხვევა და საარჩევნო ადმინისტრაციის საქმიანობაში არსებული გადაცდომების 6 შემთხვევა დაფიქსირდა”. ეს განცხადება "სამართლიანი არჩევნების" აღმასრულებელმა დირექტორმა მიხეილ ბენიძემ გააკეთა, რომელმაც დღეს არჩევნების მონიტორინგის მესამე შუალედური ანგარიში წარადგინა.მონიტორინგი 26 სექტემბრიდან 16 ოქტომბრის ჩათვლით პერიოდს მოიცავს. ანგარიშში ასევე აღნიშნულია, რომ მოიმატა ოპოზიციური კანდიდატებისა და აქტივისტების მიმართ სავარაუდო პოლიტიკური ნიშნით ზეწოლის ფაქტებმა. საუბარია ასევე კანდიდატურების მოხსნაზეც. სამართლიანი არჩევნების შეფასებით, ეს ფაქტები თავისუფალ და თანასწორ წინასაარჩევნო გარემოს საფრთხეს უქმნის.
წინასაარჩევნო პერიოდში ზეწოლისა და დაშინების ფაქტებზე სამართლიანი არჩევნები ანგარიშს აქვეყნებს
Published on