მერობის დამოუკიდებელი კანდიდატი ალეკო ელისაშვილი მიიჩნევს, რომ ცენტრალური საარჩევნო კომისია ადგილობრივი თვითმმართველობის არჩევნების გაყალბებისთვის ემზადება. ამის საფუძველს ალეკო ელისაშვილს ცესკოს გადაწყვეტილება უქმნის, რომლის მიხედვითაც, თამარ ჟვანიას უწყებამ დამოუკიდებელი მერობის კანდიდატის დამკვირვებლებს უარი უთხრა ხმის მიცემის პროცესში, ამომრჩეველთა ელექტრონული სიის მიხედვით გადამოწმებაზე. ალეკო ელისაშვილის თქმით, ინიციატივა, რომელიც კანონის ფარგლებშია, ე.წ. კარუსელის ერთგვარი პრევენციაა.