ინგირში, ჭეჟიების ოჯახში საუკუნოვანი მუხის გარშემო ფუნდამენტი უკვე ამოღებულია, და გიგანტურ მცენარეს უახლოეს მომავალში საავტომობილო პლატფორმაზე გადაიტანენ.ინგირიდან შეკვეთილში მდებარე დენდროლოგიურ პარკამდე დაახლოებით 90 კილომეტრის საავტომობილო გზაა, თუმცა უცნობია, ხეს ხმელეთით წაიღებენ თუ საზღვაო ბარჟით.სამუშაოების შემსრულებელი კომპანიის წარმომადგენლის თქმით, ისინი ხელშეკრულების მიხედვით ნაკისრ ვალდებულებას ასრულებენ.
“კანონის დაცვით ვმოქმედებთ, გვაქვს ხელშეკრულება დადებული და ვასრულებთ იმ სამუშაოებს, რაც ჩვენ მითითებული გვაქვს, გადაგვაქვს ურეკში. შეთანხმებულია კერძო პირთან, ხელშეკრულებაც დადებული გვაქვს,“ – განაცხადა სამუშაოების მწარმოებელი კომპანიის ხელმძღვანელმა.
ასევე ერთ-ერთი ადგილობრივის ინფორმაციით, ცნობილი ხდება, რომ ბიძინა ივანიშვილი სოფელ ინგირში 20 დღის წინ იმყოფებოდა, რა დროსაც მოხდა ხის მეპატრონესთან შეთანხმება. ადგილობრივები აღნიშნავენ, რომ ხეს სავარაუდოდ, შეკვეთილში გადაიტანენ.
