კიევი. ზალპები ქვემეხებიდან და აქციაზე გამოტანილი ახალი ტრანსპარანტი: ,,Козла на вынос!”

0
401
კიევის ცენტრში  ოპოზიციური ძალების საპროტესტო აქციის მონაწილეები  ქვემეხების გარემოცვაში არიან.
უკრაინული მედია აქვეყნებს   ,,მარინსკის“ პარკში დილიდან განლაგებული  ქვემეხებისა და მსროლელთა ფოტოებს, რომელთაც საყოველთაო აღშფოთება მოყვა.
209-ე სატანკო ბრიგადა , რომელმაც ეს პოზიცია დაიკავა უარყოფს რაიმე კავშირს დღევანდელ აქციასთან, პოლკის ხელმძღვანელობა აცხადებს, რომ   დღეს საღამოს კიევში ოფიციალური ვიზიტით ჩადის მალტის პრეზიდენტი მარი -ლუიზ კოლეიროდა ქვემეხები მის პატივსაცემად დაგეგმილი საზეიმო ზალპისთვის არის მობილიზებული. ამავე მიზეზით ხსნის სპეცრაზმების ხელმძღვანელობა ცენტრალური ქუჩებისა და მოედნებთან მისასვლელი გზების  გადაკეტვას
 უკრაინული მედიის ცნობით,  ცოტა ხნის წინ ქვემეხებიდან რამდენიმე ზალპი განხორციელდა, მთავრობიდან არავისა აქვს პასუხი, რატომ ისვრიან ვიზიტამდე თითქმის ათი საათით ადრე, მაგრამ ეს პასუხი აქვთ აქციის მონაწილეებს და მათ მხარდამჭერებს მთელ უკრაინაში – პოროშენკო შიშმა აიტანა და ამ იაფფასიანი ტრიუკით აქციის მონაწილეებზე  ფსიქოლოგიური ზეგავლენის მოხდენას ცდილობს.
,,Козла на вынос!''- ასეთია ლოზუნგი, რომელიც აქციაზე გატანილ ტრანსპარანტებს შეემატა ქვემეხების გამოჩენის შემდეგ. უკრაინელებს აქვთ იუმორის გრძნობა.

 

 

 

 

წინა სტატიაგაუჩინარებული გოგიტა აბულაძის მშობლებმა გამგეობის წინ აქცია გამართეს
შემდეგი სტატიაჩანგრეული გზები და დატბორილი სახლები – იმერეთში სტიქიას ებრძვიან
ტელეკომპანია ოდიშის საინფორმაციო სამსახური