ხულოში თოვლის გამო, რამდენიმე სოფელს და დაბას ელექტროენერგია არ მიეწოდება. კურორტ გოდერძიზე 40 სმ თოვლის საფარი ფიქსირდება. ამ დროისთვის კურორტზე ელექტროენერგია არ არის, დაზიანდა გადამცემი ხაზები. უამინდობის გამო სატრანსპორტო მოძრაობა მუნიციპალიტეტში არ შეზღუდულა, თუმცა ხულო-გოდერძის დამაკავშირებელ გზაზე საგზაო დეპარტამენტის მძიმე ტექნიკა მობილიზებულია და საჭიროების შემთხვევაში გზის გაწმენდას განახორციელებს.