”ჩვენ შევასრულეთ პირობა და მრავალათასიანი აქცია მშვიდობიანად ჩავატარეთ. ახლა ”ქართული ოცნება” მოემზადოს თვითმმართველობის მშვიდობიანად გადმოსაცემად. წინააღმდეგ შემთხვევაში ხალხი ქუჩაში საკუთარი არჩევანის დასაცავად გამოვა”, – განაცხადა ზაალ უდუმაშვილმა დღეს თბილისში გამართული აქციის დასასრულს.
აქცია ბიძინა ივანიშვილის ბიზნესცენტრთან ცოტახნის წინ დასრულდა.
საპროტესტო მსვლელობა დღეს მეტრო რუსთაველიდან დაიწყო. აქციის მონაწილეებმა გააპროტესტეს თბილისის საკრებულოს 10 ოქტომბრის გადაწყვეტილება, რომლის მიხედვითაც პუშკინის სკვერისა და თაბორის მთის მიმდებარე ტერიტორიები სწორედ ივანიშვილის კუთვნილ კომპანიაზე გასხვისდა.
აქციის მონაწილეებმა ბიძინა ივანიშვილის სახლის შესასვლელთან პლაკატები გააკრეს წარწერით, "შენ შრომობ, ისინი იპარავენ" და ბიძინა ივანიშვილის კარიკატურები, რომლებზედაც იგი აზიური ფარვანას სახით არის აღბეჭდილი.
პარტიამ აქციაზე გაააკეთა განაცხადაი, რომ ოლიგარქის ხელისუფლებას არჩევნების გაყალბების საშუალებას არ მისცემს და თითოეულ ხმას დაიცავს.