რამდენიმე წლის წინ გაუჩინარებული გოგიტა აბულაძის მშობლებმა გუბერნიის წინ საპროტესტო აქცია გამართეს

43 წლის გოგიტა აბულაძის მშობლებმა სამეგრელო ზემო-სვანეთის გუბერნიის შენობის წინ საპროტესტო აქცია გამართეს, ისინი გამოძიების დასრულებას ითხოვენ, "ყველაფერი მე ვიცი შვილო და მათ არ იციან ?! ჩემი შვილი სახლიდან სასტუმრო "ანაკლიაში" წავიდა და მას შემდეგ არავის უნახავს. შვილის წერილი გაუჩინარებიდან ორი თვის შემდეგ აღმოვაჩინეთ. წერილში ეწერა: "გადავედი აფხაზეთში ჟენიას შესახვედრად. ამის შესახებ იცის მალხაზ პაჭკორიამ". მალხაზ პაჭკორია სამეგრელოს რეგიონში კონტრდაზვერვის დეპარტამენტის ყოფილი უფროსი იყო, ახლა კი თბილისში მაღალ თანამდებობაზე მუშაობს და სწორედ ის უშლის ხელს გამოძიებას და მან ყველაფერი იცის, "-განაცხადა აბულაძემ. ცნობისთვის გოგიტა აბულაძე 2012 წლის 18 იანვარს გაურკვეველ ვითარებაში გაუჩინარდა. ის სახლიდან სასტუმრო "ანაკლიაში" წავიდა და მას შემდეგ არავის უნახავს. ოჯახის წევრებმა შვილის წერილი გაუჩინარებიდან ორი თვის შემდეგ აღმოაჩინეს. წერილში ეწერა: "გადავედი აფხაზეთში ჟენიას შესახვედრად. ამის შესახებ იცის მალხაზ პაჭკორიამ". მალხაზ პაჭკორია სამეგრელოს რეგიონში კონტრდაზვერვის დეპარტამენტის ყოფილი უფროსი იყო. შინაგან საქმეთა სამინისტროს ცნობით, აღნიშნულ ფაქტზე გამოძიება საქართველოს სისხლის სამართლის კოდექსის 143-ე მუხლით მიმდინარეობს, რაც თავისუფლების უკანონო აღკვეთას გულისხმობს.

რამდენიმე წლის წინ გაუჩინარებული გოგიტა აბულაძის მშობლებმა გუბერნიის წინ საპროტესტო აქცია გამართეს

სიახლეები

გარემოს ეროვნული სააგენტო: ამინდი უარესდება

მასშტაბური ძალადობის შემდეგ საფრანგეთის რამდენიმე ქალაქში კომენდანტის საათი დაწესდება

TI-ვახო სანაია ისჯება ივანიშვილისა და „ოცნების“ რეჟიმის მხილების გამო! “