ლიკა ქავჟარაძის გარდაცვალებას საქართველოს პრეზიდენტი ეხმაურება. გიორგი მარგველაშვილმა სამძიმრის წერილი „facebook” გვერდზე გაავრცელა:
"გულის სიღრმემდე შემძრა ქართული კინოს ბრწყინვალე ვარსკვლავის, ლიკა ქავჟარაძის გარდაცვალებამ. მთელ ჩვენ საზოგადოებასთან ერთად პატივს მივაგებ მის ხსოვნას და თანადგომას ვუცხადებ მისი ოჯახის წევრებსა და ახლობლებს," – ნათქვამია პრეზიდენტის წერილში.
მსახიობი ლიკა ქავჟარაძე საკუთარ სახლში გარდაცვლილი გუშინ იპოვეს. წინასწარი მონაცემებით, ძალადობის კვალი არ აქვს და გარეგანი დაზიანებები არ აღენიშნება. მიზეზს ექსპერტ-კრიმინალისტები დაადგენენ.
გამოძიება დაწყებულია 115-ე მუხლით, რაც თვითმკვლელობამდე მიყვანას გულისხმობს.
ლიკა ქავჟარაძეს 26 ოქტომბერს 58 წელი შეუსრულდებოდა.