დღეს დილით თბილისში მოქალაქის გატაცებისა და ფულის გამოძალვის ბრალდებით პოლიციამ 4 ადამიანი დააკავა.

 

სამართალდამცველებმა სპეცოპერაცია წყნეთის გზატკეცილზე ჩაატარეს.  შსს-ს პრესსამსახურის ცნობით,  ცენტრალური კრიმინალური პოლიციის დეპარტამენტის ს თანამშრომლების მიერ დაკავებულია დანაშაულებრივი ჯგუფის 4 წევრი: 1962 წელს დაბადებული დ. ფ., 1980 წელს დაბადებული ვ. ვ., 1987 წელს დაბადებული გ. დ. და 1959 წელს დაბადებული რ. მ.

 

ირკვევა, რომ პირი, რომლის გატაცებასაც შსს-ს მიერ დაკავებული 4 ადამიანი გეგმავდა, ჰიპერმარკეტ „გორგიას“ დირექტორი გია გორგოშაძეა. 

გამოძიების ვერსიით,  4 ადამიანი  „გორგიას“ დირექტორს  სახლთან უნდა დახვედროდა და ავტომანქანით  უნდა წაეყვანათე რთ-ერთ ბინაში, რომელიც დაკავებულებს გორგოშაძის სახლთან ახლოს ჰქონდათ ნაქირავები. 

 

სამართალდამცველებმა გორგოშაძის გატაცების მცდელობა, დანაშაულის ჩადენის პროცესში აღკვეთეს. ამ ეტაპზე უცნობია, თუ რა ოდენობის თანხის გამოძალვას გეგმავდნენ ბოროტმოქმედები.