ანაკლიის პორტის მშენებლობა დეკემბრის ბოლოს დაიწყება – განაცხადა რეგიონული განვითარებისა და ინფრასტრუქტურის მინისტრმა ზურაბ ალავიძემ მთავრობის დღევანდელი სხდომის დასრულების შემდეგ ჟურნალისტების მიერ დასმული კითხვების პასუხად.
სულ რაღაც ორი თვის წინ, აგვისტოში იგი აცხადებდა რომ ანაკლიამდე ახალი გზისა და სარკინიგზო მაგისტრალის მშენებლობა 2018 წლის მეორე ნახევარში უნდა დაიწყოს. ამდენად ეს სასიამოვნო სიახლეა ანაკლიის პორტის მშენებლობასთან დაკავშირებით.
,,დასრულდა ერთი, პორტის მშენებლობის მომზადების იურიდიული ეტაპი. ეკონომიკის სამინისტრომ საკმაოდ ბევრი და კარგად იმუშავა. მივედით იქამდე, რომ უკვე დეკემბრის ბოლოს მშენებლობა იწყება. აქედან გამომდინარე, ეკონომიკის სამინისტრო და მთავრობა ჩართულია ამ პროცესებში და ეს არის კერძო-საჯარო პარტნიორობის პროექტი. ერთი ეტაპი – იურიდიული ნაწილი დავასრულეთ და გადავდივართ მშენებლობაზე. აქედან გამომდინარე, ეკონომიკიდან რეგიონული განვითარების სამინისტროს გადმოეცა ეს პროექტი. ჩვენ გავუწევთ მონიტორინგს მშენებლობის ფაზაზე. პროექტი მიმდინარეობს წარმატებით. კონსორციუმი საფინანსო ინსტიტუტებთან მოლაპარაკებებს წარმატებით ახორციელებს“, – განაცხადა ალავიძემ.
ინფრასტრუქტურის მინისტრმა ზურაბ ალავიძემ ანაკლიის პორტის მნიშვნელობაზეც ილაპარაკა
„ამ პორტის აშენება ჩვენ მოგვცემს იმის საშუალებას, რომ გამოვიყენოთ ჩვენი სატრანზიტო პოტენციალი. პორტის გარეშე ჩვენ ალბათ, 80%-ს ვერ ავითვისებთ იმის, რაც ქვეყანას გააჩნია..