რას არ გაიგონებს კაცი: გიორგი მღებრიშვილი აცხადებს, რომ ,,კრიმინალის დონე საქართველოში ძალიან დაბალია”

0
362
,,კრიმინალის დონე საქართველოში ძალიან დაბალია,  უსაფრთხოების ინდექსით ქვეყანას  ერთ-ერთ მოწინავე პოზიცია უჭირავს  სხვადასხვა რეიტინგებით, მაგრამ ეს დამშვიდების საშუალებას არ გვაძლევს, – ამის შესახებ შს მინისტრმა გიორგი მღებრიშვილმა ვიდეოჯარიმების ადმინისტრირების კუთხით შსს-ს მიერ დაგეგმილ სიახლეებზე საუბრისას განაცხადა.
 
როგორც მინისტრმა აღნიშნა, უწყება განვითარებაზე მუდმივად ფიქრობს და ამის ნათელი მაგალითია ერთობლივი ოპერაციების ცენტრი, რომელიც შსს-ში ერთი წლის წინ შეიქმნა.
ერთობლივი ოპერაციების ცენტრი ემსახურება, რომ ამაღლდეს ჩვენი მოსახლეობის უსაფრთხოების ხარისხის ამაღლებას,  მეტ ეფექტურობას როგორც რეაგირების, ასევე პრევენციის ნაწილში. 
 
მინისტრის თქმით, შსს-ს მთავარი მიზანი მოქალაქეების დაცვა და მძღოლების მიერ მოძრაობის წესების დაცვაა. ამასთან, როგორც მღებრიშვილმა აღნიშნა, 1 ნოემბრამდე, როდესაც სიახლეები ამოქმედდება, შსს შესაბამის კამპანიას ჩაატარებს, რათა საზოგადოება სიახლეს მაქსიმალურად ინფორმირებული შეხვდეს.
 
"თბილისში გვყავს 120 საპატრულო ეკიპაჟი, რომელიც ნახევარი მილიონი მანქანის კონტროლს ვერ განახორციელებს. ნახევარი მილიონიდან სულ მცირე, 1% რომ ავიღოთ, 5 ათასი დამრღვევია, 120 ეკიპაჟით მათი კონტროლი პრაქტიკულად შეუძლებელია. მაგრამ ეს ტექნოლოგიები ჩვენ იმის საშუალებას გვაძლევს, რომ ვიყოთ ყველგან. არ ვართ მოწოდებული იმისკენ, რომ რაც შეიძლება მეტი ჯარიმა დაიწეროს. ჩვენი მიზანია მაქსიმალურად დაცულები იყვნენ ჩვენი მოქალაქეები და მძღოლებმა მაქსიმალურად დაიცვან მოძრაობის წესები", – განაცხადა შს მინისტრმა.
 
გასაგებია, რომ მოძრაობის წესების დაცვა მძღოლების მიერ, მნიშვნელოვანია მოსახლეობის უსაფრთხოების თვალსაზრისით, მაგრამ ამის განზოგადება კრიმინალურ სიტუაციაზე, როცა საქმის გარჩევები ქუჩებში მიმდინარეობს, დღე არ ჩაივლის შეიარაღებული თავდასხმისა და დაყაჩაღების შესახებ ინფორმაციის გარეშე, მინისტრისაგან გადაჭარბებული გულარხეინობაა.  
წინა სტატიაწინასაარჩევნო გარემოს შესახებ ოპოზიციური პარტიები განცხადებას ავრცელებენ
შემდეგი სტატიაგურიაში საკუთარ სახლთან 28 წლის ირაკლი ტარიელაძე ჩაცხრილეს
ტელეკომპანია ოდიშის საინფორმაციო სამსახური