„აშშ გაანადგურებს ნებისმიერ მტერს, ყველგან და ყოველთვის“.- განაცხადა ამერიკის შეერთებული შტატების შეიარაღებული ძალების გაერთიანებული შტაბის ხელმძღვანელმა, გენერალმა მარკ მილიმ. – ინფორმაციას ამის შესახებ „The Sun”-ი ავრცელებს.
„ისეთი ქვეყნები, როგორიცაა რუსეთი, ჩინეთი, ირანი და ჩრდილოეთ კორეა, სწრაფად ავითარებენ საკუთარ სამხედრო შესაძლებლობებს იმ იმედით, რომ დაგვამარცხებენ. მინდა, მთელს მსოფლიოში ნათელი იყოს მათთვის, ვისაც სურს ჩვენი ცხოვრებისეული გზის განადგურება: აშშ–ის არმია, მიუხედავად ჩვენს წინაშე არსებული გამოწვევებისა, შეგაჩერებთ თქვენ და დაგამარცხებთ ისე, ჯერ რომ არავის დაუმარცხებიხართ!“ – განაცხადა გენერალმა მილიმ.
აღნიშნული განცხადების შემდეგ მან ჟურნალისტებთან დამატებითი კომენტარი გააკეთა და განმარტა, რომ ამ მიმართვაში კონკრეტულად რუსეთს გულისხმობდა.
გამოცემის ცნობით, რამდენიმე დღის წინ ორმა რუსულმა გაზეთმა გაავრცელა სტატია, სადაც საუბარია ქვეყნის შანსებზე, ომის შემთხვევაში აშშ დაამარცხოს.