ბათუმში, ფიროსმანის ქუჩაზე ორი მამაკაცი ცეცხლსასროლი იარაღით დაჭრეს. ბათუმის სასწრაფო-სამედიცინო დახმარების ცენტრის ცნობით, მამაკაცებს ჭრილობა ფეხის არეში აქვთ მიყენებული. ისინი ბათუმის რეფერალურ საავადმყოფოში გადაიყვანეს.
მომხდართან დაკავშირებით დაკავებულია ერთი ეჭვმიტანილი. საქართველოს შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს.