ფოთში, ნიკო ნიკოლაძის კოშკში გალავნის კედლის ნაშთი და არტეფაქტები აღმოაჩინეს.
კოშკის სარეაბილიტაციო სამუშაო პროცესის დროს, მარჯვენა ფლიგელის ნაწილში აღმოჩნდა დიდი მოცულობის, სავარაუდოდ, გალავნის კედლის ნაშთი, რომელიც ძალიან დიდი მნიშვნელოვანი მონაპოვარია.
ასევე სიღრმეში აღმოჩნდა არტეფაკტები, როგორც კერამიკის, ისე თიხის ჭურჭლის, აგურის, კრამიტის და რკინის ფრაგმენტები", – განაცხადა კოლხური კულტურის მუზეუმის დირექტორის ელენე გაბლიანი.
მისი განმარტებით, ის თუ რომელი პერიოდით თარიღდება არქეოლოგიური ნივთები კონკრეტულად , სპეციალისტთა ჯგუფის ჩამოსვლის შემდეგ დადგინდება.
ეს ის ფლიგელია, რომელსაც მოარული ხმებით დანგრევას უპირებდნენ, რადგან საკათედრო ტაძრის კომპლექსს ესაზღვრება და ტაძართან მისასვლელი გზის კეთილმოწყობას ,, უშლის ხელს''.
კოშკის მარცხენა ფლიგელის შესაძლო დანგრევის ცნობას საზოგადოების ნაწილის პროტესტი მოჰყვა. ისტორიკოსი ზურაბ სულაბერიძის განმარტებით, კოშკი, სადაც თავის დროზე ქალაქის რატუშა იყო განთავსებული და სადაც თავად ნიკო ნიკოლაძე ცხოვრობდა და მოღვაწეობდა, ქალაქის უძველესი ნაგებობაა და განსაკუთრებით მნიშვნელოვანია, რამეთუ ის ერთადერთი ნაგებობაა, რომელიც რამდენიმე საუკუნის კულტურულ ფენას შეიცავს. მისი ღირებულება ძალიან მნიშვნელოვანია ქალაქის ისტორიისა და წარსულისათვის“
ისტორიკოსის ვარაუდი კოშკის ტერიტორიაზე სხვადასხვა ეპოქის კულტურული ფენების არსებობის შესახებ ამამ უახლესმა აღმოჩენამაც დაადასტურა.
