,,ქოთომს შეულებუნ – კვერცხ რე ” – ჯეჯელავას მეტი არ შეუძლია და ბავშვს სკოლაში ვაშლი თავად გაატანეთ

0
372
,ქოთომს შეულებუნ კვერცხ რე ( ქათმის შესაძლებლობის ზღვარი კვერცხია) '' –  ვაშლების პროგრამა, რომელიც   თბილისის  10 სკოლაში ამ რამდენიმე დღის წინ დაიწყო მხოლოდ დეკემბრამდე გაგრძელდება.
 
განათლების მინისტრი ალექსანდრე ჯეჯელავა ამ მოკლევადიან და ათ სკოლაზე გათვლილ პროგრამაზე მოქილიკე საზოგადოებას ეხმაურება:
 
ვაშლების პროგრამას  პირველი და მთავარი ეფექტი მოჰყვა ის, რომ ყველა ჟურნალისტი ამ ქვეყანაში ყოველდღე ლაპარაკობს ამაზე –  სწორედ მედიის დახმარებით, მთელი ქვეყნის ყურადღება გამახვილდა იმაზე, რომ ისევე მნიშვნელოვანია, რას ჭამს ბავშვი სკოლაში, როგორც ის, თუ რას სწავლობს.
 
სკოლებში, სადაც ჩვენ არ მიგვიტანია ვაშლები, ბავშვებმა მიიტანეს და მიირთმევენ. ოჯახებმა მიაქციეს ყურადღება თავიანთი შვილების ჯანსაღი კვების საკითხს. ჩვენი ამოცანა ეს იყო სწორედ, რომ მედიის დახმარებით მთელი ქვეყნის ყურადღება მიგვექცია იმისთვის, რომ ბავშვი რას ჭამს სკოლაში ისეთივე მნიშვნელოვანია, როგორც ვთქვათ, რას სწავლობს და რა სახელმძღვანელოთი ხელმძღვანელობს. ეს პროგრამა ძალიან ხალისიანად დაიწყო და დარწმუნებული ვარ, ასევე ხალისიანად გაგრძელდება", – განაცხადა ალექსანდრე ჯეჯელავამ.
 
 
წინა სტატიაგაისად ,,ჯემ ფესტი” აუცილებლად გაიმართება, მაგრამ სახელმწიფო დაფინანსების გარეშე
შემდეგი სტატიამომავალი წლიდან ქართველ ექიმებს სერტიფიცირების გავლა მოუწევთ
ტელეკომპანია ოდიშის საინფორმაციო სამსახური