საქართველოს ყოფილი პრეზიდენტსა და უკრაინის ოპოზიციური მოძრაობის ლიდერს მიხეილ სააკავილს ქალაქ ლუცკში, მიუხედავად კოკისპირული წვიმისა, უამრავი მხარდამჭერი დახვდა.
სააკაშვილის მომხრეთა რიცხვი ქვეყანაში განუწყვეტლივ იზრდება, რაც შეხვედრებზე მოსული ხალხის რაოდენობაზეც აისახება. ყველა ნიშანი არსებობს იმისა, რომ კიევში 17 ოქტომბერს დაგეგმილ შეკრებაზე კიეველებს უკრაინის სხვადასხვა რეგიონებიდან და ოლქებიდან დაძრული ხალხი შეუერთდება.
,,ქვეყანა კრიზისულ სიტუაციაშია. პოროშენკო შეცდომებს შეცდომებზე უშვებს, მას არა აქვს ნებელობა არათუ პრინციპული, თუნდაც სიმბოლური წინაააღმდეგობა გაუწიოს პუტინს და კორუმპირებულ ჩინოვნიკებს საკუთარი თავის ჩათვლით'' – ეს არის მცირე ნაწილი კომენტარებისა, რომელიც ერთვის რეგიონებში შეხვედრების ამსახველ ინფორმაციას, უკრაინულ მედიაში თუ სოციალურ ქსელებში.
ამ კომენტარებს შორის, რასაკვირველია, არ ჩანს, რა გუნებაზე აყენებს ეს მზარდი ხალხმრავლობა მათ, ვინც მიხეილ სააკაშვილი ჯართად და ჩამოწერილ პოლიტიკოსად გამოაცხადა, მაგრამ არის ასობით კომენტარი საქართველოდან, მათ შორის: დარია თუ ავდარია, მიშა მაგარია.