გერმანიაში ქუთაისელი სტუდენტი გარდაიცვალა. 19 წლის ბახვა იმედაძე გერმანიაში გარდაცვლილი ორ ოქტომბერს დილით იპოვეს. ის გერმანიაში 25 აგვისტოს გაემგზავრა პრაქტიკული სწავლების კურსით, ექვსთვიანი პროგრამით . გამგზავრებამდე ბახვა იმედაძე წერეთლის უნივერსიტეტის აგრარული ფაკულტეტის სტუდენტი იყო, თუმცა გაცვლითი სასწავლო კურსის გამო სტუდენტის სტატუსი შეუჩერდა.
ქართველი სტუდენტის გარდაცვალების მიზეზი ჯერჯერობით უცნობია.
"ფაქტი ნამდვილად მოხდა, მაგრამ რა მიზეზით, არ ვიცით. ის იყო ჩვენი სტუდენტი, მაგრამ გაცვლითი პროგრამის გამო შეიჩერა სტატუსი და წავიდა. მომხდარის გამო მწუხარებას გამოვთქვამთ", – განაცხადა წერეთლის უნივერსიტეტის პრორექტორმა შალვა კირთაძემ.
