მიხეილ რამიშვილი აცხადებს, რომ პროკურატურას არ ენდობა და კითხვებზე პასუხს მხოლოდ სასამართლოზე გასცემს

0
361
ე. წ. ციანიდის საქმის ადვოკატები მოითხოვენ, რომ მათი გამოკითხვა ჩვენებების მასმედიის საშუალებებით გავრცელების საქმეზე,  მოსამართლის თანამონაწილეობით მოხდეს.
 
 დღეს თბილისის  პროკურატურაში დეკანოზ გიორგი მამალაძის ადვოკატი მიხეილ რამიშვილი დაკითხვაზე იყო დაბარებული – პროკურატურას კითხვები ჰქონდა იმასთან დაკავშირებით,  ვის შეეძლო  მიეწოდებინა ტელევიზიებისთვის ინფორმაცია პატრიარქის მდივან-რეფერენტის, შორენა თეთრუაშვილის სასამართლო ჩვენების შესახებ.
  
 უფლებადამცველმა შენობიდან გამოსვლის შემდეგ განაცხადა რომ საგამოძიებო უწყებასისთვის ჩვენების მიცემაზე უარს უთხრა –  პროკურატურას არ ვენდობი – გამაცხადა მან 
მისივე  თქმით, ის   მზად არის ჩვენება მისცეს საქმესთან დაკავშირებით, თუმცა არა საგამოძიებო უწყებაში, არამედ სასამართლოში, მოსამართლის თანდასწრებით.
 
„კითხვები ეხებოდა შემდეგს, თუ რამდენად მქონდა შეხება გასაჯაროებულ ინფორმაციასთან ანუ, ჩვენებებთან. მე შესაბამისად, ძალიან კონკრეტულად და მოკლედ ვუთხარი, რომ ყველა ამ შეკითხვაზე პასუხი გაეცემა მაგისტრი მოსამართლის თანამონაწილეობით,“ – განაცხადა მიხეილ რამიშვილმა.
 
მიხეილ რამიშვილის ინფორმაციით, დაიკითხება ყველა პირი, მათ შორის პროკურორები, ასევე ჟურნალისტები. ადვოკატი ვარაუდობს, რომ საქმის გამოძიების ფარგლებში დაიკითხებიან  საპატრიარქოს წარმომადგენლებიც.  
წინა სტატია„რუსთავი 2“-ის დაკვეთით არჩევნების დღეს ეგზიტპოლს ამერიკული კომპანია “ედისონ რისერჩი” ჩაატარებს
შემდეგი სტატიაეკატერინბურგის სასამართლომ ბათუმში ადამიანებით ვაჭრობასა და მკვლელობაში ბრალდებულ ქალს პატიმრობა შეუფარდა
ტელეკომპანია ოდიშის საინფორმაციო სამსახური