უკრაინის გენპროკურორი: არის გარემოებები, რაც ხელს უშლის მიხეილ სააკაშვილის ექსტრადირებას

0
405
უკრაინის გენერალური პროკურატურის საექსტრადიციო შემოწმება მიხეილ სააკაშვილის საქართველოსთვის გადაცემის საკითხზე კიდევ რამდენიმე კვირა გაგრძელდება. ამის შესახებ გენერალურმა პროკურორმა იური ლუცენკომ ბრიფინზე განაცხადა.
 
„საექსტრადიციო შემოწმებამ უნდა დაადგინოს, ნამდვილად ედება თუ არა საქართველოში სააკაშვილს ბრალი მძიმე დანაშაულების ჩადენაში, რომლებიც უკრაინის სისხლის სამართლის კოდექსშიც არსებობს. ნათელია, რომ ამ კითხვაზე პასუხი იქნება დადებითი.
 
მეორე – არსებობს თუ არა გარემოებები, რომლებიც სააკაშვილის ექსტრადიციას უშლის ხელს. წინასწარი შეფასებით, მე ვთვლი, რომ ასეთი გარემოებები არსებობს. უკრაინის საზღვრის უკანონო გადმოკვეთის შემდეგ სააკაშვილმა საბუთები შეიტანა შსს-ს საიმიგრაციო სამსახურში, რაც, ჩვენი საერთაშორისო ვალდებულებების მიხედვით, მის ექსტრადიციას აფერხებს“, – განაცხადა ლუცენკომ.
 
მისი თქმით, ეს ყველაფერი გულდასმით შესწავლას საჭიროებს, რასაც კიდევ რამდენიმე კვირა დასჭირდება.
 
წინა სტატიაზუგდიდში დევნილებისთვის მშენებარე 4 კორპუსში ბინების მისაღებად განაცხადების შევსება 4 ნოემბრამდე გაგრძელდება
შემდეგი სტატიაგუშინდელი აქციის დროს დაკავებული პირების სასამართლო პროცესი 17 ოქტომბრისთვის გადაიდო
ტელეკომპანია ოდიშის საინფორმაციო სამსახური