ლას-ვეგასში, ქანთრის ფესტივალზე სროლის შედეგად, სულ მცირე, 59 ადამიანია მოკლული, დაჭრილია 520-ზე მეტი, წერს BBC. პოლიციის თქმით, 64 წლის ლას-ვეგასის მცხოვრებმა სტივენ პადოკმა სასტუმროს ნომრიდან ხალხის მიმართულებით ცეცხლი გახსნა.ფესტივალზე სულ ოცი ათასზე მეტი ადამიანი იყო.აშშ-ის ისტორიაში ეს თავდასხმა, მსგავსი ტიპის თავდასხმებს შორის, ყველაზე მასშტაბურია. მანამდე, ყველაზე მასშტაბურ თავდასხმად მიიჩნეოდა ორლანდოს ღამის კლუბ Pulse-ის 2016 წლის შემთხვევა, სადაც თავდამსხმელმა ომარ მატინმა 49 ადამიანი მოკლა, ხოლო 53 დაჭრა.პადოკის თავდასხმიდან რამდენიმე საათში, მომხდარზე პასუხისმგებლობა ისლამურმა სახელმწიფომ აიღო და განაცხადა, რომ პადოკმა რამდენიმე თვით ადრე ისლამი მიიღო, თუმცა ამის დამადასტურებელი მასალა არ წარუდგენია.გამოძიების ფედერალური ბიუროს თქმით, ისინი ტერორისტებთან თავდამსხმელის კავშირს ვერ ადასტურებენ და ამბობენ, რომ პადოკი სამართალდამცავების ყურადღების ქვეშ მანამდე არ მოქცეულა.თავდამსხმელმა ქანთრის ფესტივალის სტუმრების მიმართულებით ცეცხლი სასტუმროს 32-ე ნომრიდან გახსნა. პოლიციის თქმით, მის ნომერში სპეცრაზმის შესვლამდე პადოკმა თავი მოიკლა. სასტუმროს ნომერში იპოვეს ათი ცეცხლსასროლი იარაღი.პოლიციის შერიფის თქმით, პადოკის სახლის ჩხრეკისას 18 ცეცხლსასროლი იარაღი, ასაფეთქებელი და რამდენიმე ათასი ტყვია აღმოაჩინეს.New York Magazine-ის ინფორმაციით, სტივენ პადოკის მამას, ბენჯამინ პადოკს ფედერალური საგამოძიებო ბიურო საკმაოდ დიდი ხნის განმავლობაში ეძებდა. 1969 წლის დოკუმენტის მიხედვით, ბიურო მიიჩნევდა, რომ ბენჯამინ პადოკს ბანკის გაძარცვა სურდა და სუიციდისკენ მიდრეკილი იყო.მიზეზი თუ რატომ გახსნა პადოკმა ცეცხლი ჯერ კიდევ უცნობია. არც პოლიცია და არც გამოძიების ბიურო ჯერ არ ადასტურებენ მის რაიმე კავშირს ტერორისტულ დაჯგუფებასთან.აშშ-ის პრეზიდენტი დონალდ ტრამპი შემთხვევას ტვიტერზე გამოეხმაურა და დაღუპულთა ოჯახებს მიუსამძიმრა. პრესკონფერენციაზე მან განაცხადა, რომ ოთხშაბათს ლას-ვეგას ეწვევა.
სიახლეები
მსოფლიო
„ჩემთვის ნებისმიერი პატიმრობა სასიკვდილო განაჩენი იქნება“ – რუსეთში 77 წლის უკრაინელს 18 წლით თავისუფლების აღკვეთა მიუსაჯეს
როსტოვის სამხრეთის საოლქო სამხედრო სასამართლომ 77 წლის უკრაინელს, ყირიმში დაბადებულ ვლადიმირ ანანიევს, 18 წლით...
საზოგადოება
ოპოზიციის აკრძალვა პუტინის გზაა – კშიშტოფ ბრეიზა
პოლონელი ევროპარლამენტარი კშიშტოფ ბრეიზა „ქართული ოცნების“ მიერ ინიცირებულ ოპოზიციური პარტიების აკრძალვის სარჩელს მკაცრად აფასებს...
საზოგადოება
პარტიების აკრძალვის საქმეზე სახალხო დამცველის აპარატს პოზიცია ჯერ არ აქვს
სახალხო დამცველის აპარატში აცხადებენ, რომ ოპოზიციური პარტიების აკრძალვის საქმეზე საბოლოო გადაწყვეტილება მიღებული არ აქვთ...
საზოგადოება
დაპირისპირება საკონსტიტუციო სასამართლოში ტერმინ „ქოცის“ გამო
საკონსტიტუციო სასამართლოში მიმდინარე პროცესზე, სადაც ოპოზიციური პარტიების აკრძალვის შესახებ „ქართული ოცნების“ სარჩელი განიხილება, სიტყვიერი...