გარემოს ეროვნულ სააგენტოს ცნობით, 2 ოქტომბრიდან 4 ოქტომბრამდე მთელ საქართველოში მოსალოდნელია ძლერი წვიმა, რამაც შესაძლებელია ცალკეულ მდინარეებზე წყალმოვარდნები და მეწყრულ-ღვარცოფული პროცესების ჩასახვა-გააქტიურება გამოიწვიოს.
ცივი და ნოტიო ჰაერის მასების გავრცელების გამო მოსალოდნელია ჰაერის ტემპერატურის მნიშვნელოვანი დაკლება, წვიმა, ზოგან ძლიერი, ნისლი, მაღალმთიან ზონაში ზოგან თოვლი, ზღვაზე 3-4 ბალიანი ღელვა.
საქართველოს შინაგან საქმეთა სამინისტროს საგანგებო სიტუაციების მართვის სამსახურმა შავი ზღვის სანაპირო ზოლზე საშტორმო მდგომარეობა გამოაცხადა – სამაშველო საგუშაგოებზე წითელი ალმებია აღმართული, სანაპიროსთან მყოფ მოქალაქეებს კი მაშველები რამდენიმე ენაზე მოუწოდებენ, ზღვაში არ შევიდნენ.
ჰიდრომეტეოროლოგიური პროგნოზირების სამმართველოს უფროსის, სვეტლანა ნიორაძის განცხადებით, 5 ოქტომბრიდან გამოიდარებს, ხოლო 6 ოქტომბრიდან ტემპერატურა უკვე 20 გრადუსზე მაღალი იქნება