ზუგდიდში მშენებარე სტადიონის უეფას სტანდარტების შეუსაბამობასთან დაკავშირებით პირველი ფოტო-ვიდეო მასალა სოციალურ ქსელში გამოქვეყნდა. მერობის დამოუკიდებელი კანდიდატის დომენტი სიჭინავას შტაბმა განაცხადა, რომ რომ სტადიონს ბეტონის სარტყელი აქვს შემოვლებული, რომელიც ფეხბურთელების უსაფთრხოებასა და მათ ჯანმრთელობას საფრთხეს შეუქმნის, მათივე თქმით სტადიონი უეფას სტანდარტებს არ შეესაბამება. ქალაქ ზუგდიდის მერიაში გამოეხმაურნენ მერობის დამოუკიდებელი კანდიდატის, დომენტი (ზვიად) სიჭინავას მიერ გავრცელებულ ინფორმაციას, უეფას მესამე კატეგორიის სტანდარტის საფეხბურთო სტადიონის სტანდარტების შეუსაბამოდ მშენებლობასთან დაკავშირებით. მერიის ქალაქმშენებლობის სამსახურის უფროსის მამუკა ლოგუას მტკიცებით, სტადიონზე გალავნის შემოვლება მსოფლიოში აპრობირებული მეთოდია. მამუკა ლოგუამ წარმოადგინა 2015 წლით დათარიღებული დოკუმენტი, რომელსაც ხელს დომენტი სიჭინავა, მაშინდელი ფეხბურთის ფედერაციის პრეზიდენტი აწერს. ამის საპასუხოდ დომენტი სიჭინავამ პრესკონფერენცია გამართა და განაცხადა , რომ ფეხბურთის ფედერაციის პრეზიდენტს პროექტზე ხელმოწერის უფლება არ აქვს, მას მხოლოდ რეკომენდაციის გაცემა შეუძლია.სტადიონისთვის, რომელიც უეფას სტანდარტების მესამე კატეგორიის სტანდარტებით შენდება, ბიუჯეტიდან 20 მილიონი ლარია გამოყოფილი
კითხვები მშენებარე სტადიონის ირგვლივ- ურთიერთბრალდებები მერიასა და დამოუკიდებელ კანდიდატს შორის
Published on