აუდიტის სახელმწიფო სამსახურში საკადრო ცვლილებებია . გენერალური აუდიტორის მოადგილე ნინო ლომჯარია, რომელიც უშუალოდ იყო პასუხისმგებელი და ზედამხედველი პოლიტიკური პარტიების საარჩევნო შემოწირულობებზე, თანამდებობიდან გაათავისუფლეს.
ნინო ლომჯარიას ინფორმაციით, მას უფლებამოსილება ახალი ხელმძღვანელის დანიშვნისთანავე შეუწყდა, დღეს კი ცნობილი გახდა, რომ ირაკლი მექვაბიშვილმა სამუშაო კონტრაქტი აღარ გაუგრძელა.
„მე შემიწყდა უფლებამოსილება ახალი გენერალური აუდიტორის დანიშვნისთანავე, დღეს დილით გახდა ცნობილი, რომ აღარ გავაგრძელებ ამ პოზიციაზე მუშაობას. როგორც ვიცი, იქნება ორი ახალი და ერთ ძველი მოადგილე, რომელსაც დღეს წარადგენს გენერალური აუდიტორი თანამშრომლებთან. მიზეზი არ ყოფილა დასახელებული,“ – განაცხადა ნინო ლომჯარიამ
თანამდებობას ტოვებს აუდიტის სამსახურის ხელმძღვანელის კიდევ ერთი მოადგილე დევი ვეფხვაძე.
არსებული ინფორმაციით, აუდიტის სამსახურის ხელმძღვანელის მოადგილის თანამდებობა წარსულში "ქართუ ბანკის" დირექტორმა და ინფრასტრუქტურის მინისტრმა ნოდარ ჯავახიშვილმა შეინარჩუნა.