,,ქართული ოცნების” კიდევ ერთმა დაპირებამ ჩაილურის წყალი დალია: სასამართლოს დამოუკიდებლობის ინდექსი მსოფლიო რეიტინგებში განუწყვეტლივ ეცემა

0
408
მსოფლიო ეკონომიკური ფორუმის კვლევის მიხედვით, სასამართლოს დამოუკიდებლობის ინდექსით საქართველო 137 ქვეყნიდან 87-ე ადგილზეა. რეიტინგში საქართველო 37 პოზიციით აზერბაიჯანს და 38-ით ტაჯიკეთს ჩამორჩება.  რეიტინგმა შარშანდელთან შედარებით, 24 პუნქტით დაიკლო და 63-ე ადგილიდან 87-ზე გადაინაცვლა.  
ადვოკატთა ასოციაციის თავმჯდომარე კვლევის შედეგებზე აფასებს, როგორც "სასამართლო სისტემის სრულ კრახს".
ზაზა ხატიაშვილის თქმით, "რუსთავი2-ის საქმეზე მიღებული გადაწყვეტილებით 13-მა ქართველმა მოსამართლემ ქართული მართლმსაჯულების განაჩენი დაწერა".
 
 
არასამთავრობოების შეფასებით, რუსთავი2-ის საქმე ერთ-ერთია იმ ჩამონათვალში, რაც ქართული მართლმსაჯულების რეიტინგზე ყველაზე უარყოფითად აისახა.
 
მესამე სექტორი სასამართლო სისტემაში რეფორმის გატარებისკენ ხელისუფლებას უკვე დიდი ხანია, მოუწოდებს.

 
 
 
 
სხვა  კრიტერიუმის მიხედვით საქართველოს შედეგები  ასე გამოიყურება:
საკუთრების უფლებები – 46-ე ადგილი, გაუარესება 3 ადგილით
ფავორიტიზმი მთავრობის გადაწყვეტილებებში – 57-ე ადგილი, გაუარესება 12 ადგილით
მთავრობის გამჭვირვალობა – 46-ე ადგილი, გაუარესება 3 ადგილით
გადასახადების დონე – 8-ე ადგილი, გაუმჯობესება 1 ადგილით
დაბალანსებული ბიუჯეტი – 40-ე ადგილი, გაუარესება 16 ადგილით
ინფლაცია – 1 ადგილი, გაუმჯობესება 79 ადგილით
მთავრობის ვალი – 59-ე ადგილი, გაუარესება 3 ადგილით
ქვეყნის საკრედიტო რეიტინგი – 81-ე ადგილი, გაუმჯობესება 2 ადგილით
დაწყებითი განათლების ხარისხი – 106-ე ადგილი, გაუარესება 13 ადგილით
სკოლების ინტერნეტიზაცია – 68-ე ადგილი, გაუმჯობესება 5 ადგილით
სამუშაო ძალის კვალიფიკაცია -125-ე ადგილი, უცვლელია

წინა სტატია1 ოქტომბერი ხანდაზმულთა საერთაშორისო დღეა
შემდეგი სტატიაკატალონიაში ესპანეთიდან გამოყოფის მოთხოვნით რეფერენდუმი დაიწყო
ტელეკომპანია ოდიშის საინფორმაციო სამსახური