გარდაიცვალა ჟურნალ "PLAYBOY"-ის დამფუძნებელი ჰიუ ჰეფნერი . იგი 91 წლისა იყო და ლოს ანჯელესში საკუთარ სახლში დალია სული, სწორედ იმ სახლში, რომლის სამზარეულოშიც დაიწყო "PLAYBOY"-ის გამოცემა და სადაც წლების მანძილზე იყო განთავსებული ჟურნალის მთავარი ოფისი.
,,ფლეიბოის'' პირველი ნომერი 1953 წელს დაიბეჭდა და ილუსტრირებული იყო შიშველი მერილინ მონროს ფოტოებით, რომლებიც ჰეფნერმა მაშინ 200 დოლარად შეიძინა.
600 დოლარით დაწყებულმა ბიზნესმა კი, ის მალევე მილიონერად აქცია. მისი გამოცემა აღიარებულია როგორც მამაკაცების საკულტო და ყველაზე პოპულარული ჟურნალი მსოფლიოში, ხოლო თვად ჰიუ ჰეფნერი – როგორც ,,ჰედონიზმის'' მოძღვარი
"PLAYBOY"-ის ეროტიკული ფოტოების გარდა, ცნობილ ადამიანებთან ინტერვიუები იბეჭდებოდა, მათ შორის იყო ფიდელ კასტრო, მარტინ ლუთერ კინგი და ჯონ ლენონიც
სავარაუდოდ, ჰეფნერს მერილინ მონროს გვერდით დაკრძალავენ. ეს ადგილი მან 1992 წელს 75 ათას დოლარად იყიდა.
