,,დაიფიცე ყურანზე, რომ ,,ქართულ ოცნებას” მისცემ ხმას ” – შენების მოძრაობა სკანდალურ ინფორმაციას ავრცელებს

0
391
„შენების მოძრაობის“ ინფორმაციით, „ქართული ოცნება“ დმანისის სოფლების მოსახლეობას ყურანზე დაფიცებით მხარდაჭერას აიძულებს. 
 
დავით უსუფაშვილის პარტიის ცნობით, სოფელ ირგანჩაის მცხოვრებლებს მმართველი პარტიის დმანისის შტაბის იურისტი ემზარ პეტრიაშვილი სთხოვს ყურანზე დაიფიცონ, რომ 21 ოქტომბერს ბიულეტენში 41-ს შემოხაზავენ. 
 
„ჩვენს ხელთ არსებული ინფორმაციით დავალებას „ქართული ოცნების“ მაჟორიტარი დეპუტატი კახა ოქრიაშვილი იძლევა. გარდა ამისა, განსხვავებული პოლიტიკური შეხედულების გამო ბოლო პერიოდში გახშირდა ზეწოლისა და დაშინების ფაქტები. აღნიშნულთან დაკავშირებით მოძრაობამ უკვე მიმართა თავისუფალი და სამართლიანი არჩევნებისათვის უწყებათაშორის კომისიას“, – ნათქვამია პარტიის მიერ გავრცელებულ ინფორმაციაში.
წინა სტატიაგულის დღე – ხვალიდან 3 ოქტომბრამდე კარდიოლოგიური სკრინინგი 70%-იანი ფასდაკლებით ჩატარდება
შემდეგი სტატიაგარდაიცვალა ,,ფლეიბოის” დამფუძნებელი ჰიუ ჰეფნერი
ტელეკომპანია ოდიშის საინფორმაციო სამსახური