აფხაზეთის ომში დაღუპულები პოლიტიკურმა პარტიებმა ენგურის ხიდზე გაიხსენეს

პოლიტიკურმა პარტიებმა აფხაზეთის ომში დაღუპულთა ხსოვნის პატივსაცემად ენგურის ხიდთან შეკრება წუხელ გვიან ღამით დაიწყეს. „ქართული ოცნება – დემოკრატიული საქართველოს" ზუგდიდის ახალგაზრდული ორგანიზაციის წევრებმა წუხელ გვიან ღამით მდუმარე აქცია გამართეს. ენგურის ხიდზე მდუმარე აქციით დაღუპულების ხსოვნას პატივი მიაგეს მოძრაობა თავისუფლებისთვის ევროპული საქართველოს ადგილობრივი ორგანიზაციის ლიდერებმა .,,ჩემო ზვირფასო დევნილებო, დღეს ამ ტრაგიკულ და სიმბოლურ დღეს მე ვარ ერთ-ერთი თქვენგანი და მწამს რომ მალე ცვენ სოხუმსი სევხვდებიტ და ერთად ავირჩევთ სოხუმის მერს"- ამ სიტყვებით მიმართა დღეს ენრთიანი ნაციონალური მოზრაობსი თბილისის მერობის კანდიდატმა ენგურის ხიდიდან აფხაზეთიდან იძულებით გადაადგილებულ მოსახლეობას.კონფლიქტი, რომელიც 13 თვესა და 13 დღეს გრძელდებოდა მიმდინარეობდა,შედეგად ქართველთა ერთ-ერთი უდიდესი დამარცხება მოჰყვა საქარველოს უახლეს ისტორიაში. სოხუმისთვის გადამწყვეტ ბრძოლას წინ უძღოდა შეთანხმება ცეცხლის შეწყვეტისა და სამხედრო ტექნიკის კონფლიქტის ზონიდან გაყვანის შესახებ, რომელიც სოჭში დაიდო 27 ივლისს ორ მხარეს შორის. შეთანხმება 16 სექტემბრამდეგაგრძელდა. ამ დღეს სეპარატისტებმა შეთანხმება დაარღვიეს და ფართომასშტაბიანი იერიში მიიტანეს სოხუმზე ზღვიდან, ჰაერიდან და ხმელეთის მისადგომებიდან. შეთანხმების მიხედვით, საქართველოს ამ დროისთვის მძიმე შეიარაღების დიდი ნაწილი კონფლიქტის ზონიდან უკვე გაყვანილი ჰყავდა. გააფრთებული ბრძოლები გრძელდებოდა 27 სექტემბრამდე, თუმცა მასიურ შეტევას სუსტი შეიარაღებით ქართულმა ნაწილებმა ვერ გაუძლეს და ქალაქი საბოლოოდ დაეცა.ქალაქის აღების შემდეგ შემოსულმა სეპარატისტთა მებრძოლებმა დარჩენილი მოსახლეობის არნახული ხოცვა მოაწყვეს. ადგილობრივი მთავრობის წევრები, ჟიული შარტავა, გურამ გაბისკირია და რაულ ეშბა რომლებმაც გაქცევაზე უარი თქვეს, მთავრობის სახლის წინ დახვრიტეს რამდენიმე დღეში სეპარატისტთა ძალებმა აფხაზეთის თითქმის მთელი ტერიტორია დაიკავეს.საქართველოს შეიარაღებული ძალების სრულ დამარცხებას რეგიონში ქართული მოსახლეობის ეთნიკური წმენდა მოჰყვა. გადარჩენილი 250 000-ზე მეტი ეთნიკურად ქართველი, ბერძენი თუ სხვა უმცირესობები აფხაზეთიდან ლტოლვილ-დევნილი გახდა.

აფხაზეთის ომში დაღუპულები პოლიტიკურმა პარტიებმა ენგურის ხიდზე გაიხსენეს

სიახლეები

„ვერ დავუშვებთ, ჩვენი გზა სხვების მსოფლმხედველობამ განსაზღვროს” – ურსულა ფონ დერ ლაიენი

მომავალი წლიდან შესაძლოა ელექტროენერგიაზე სამომხმარებლო ტარიფები გაიზარდოს

ოცნებამ ემიგრანტებისთვის საზღვარგარეთ ხმის მიცემა აკრძალა

ევროკავშირის საბჭო- საქართველოს EU-ში გაწევრიანების პროცესი ფაქტობრივად ჩიხში შევიდა