ფინანსთა სამინისტროს საგამოძიებო სამსახურმა საქართველოს საბაჟო საზღვარზე, საქონლის გადაადგილებასთან დაკავშირებული წესის დარღვევის სამი ფაქტი გამოავლინა.
გამოძიების ცნობით, ერთ შემთხვევაში, ბრალდებულმა „წითელი ხიდის“ გავლით, საბაჟო კონტროლისაგან მალულად, საქართველოს ტერიტორიაზე შემოიტანა დიდი ოდენობით ოქროს ნაკეთობები, რომლის საბაჟო ღირებულება 16 ათას ლარს შეადგენს.
დანარჩენ ორ შემთხვევაში კი დაკავებულ პირებს "სარფის“ გავლით, საქართველოდან თურქეთში უმაღლესი სინჯის ოქროს და ოქროს ნაკეთობების გადატანა სურდათ.
შემოსავლების სამსახურის ინფორმაციით , 20 სექტემბერს თურქეთიდან საქართველოს მოქალაქე ნ.ბ. შემოვიდა, რომელსაც ფიზიკური დათვალიერებისას არადეკლარირებული ოქროს ზოდები, საერთო წონით 650 გრამი აღმოაჩნდა. საქონლის ღირებულებამ 44362,50 ლარი შეადგინა. საქმე შემდგომი რეაგირებისთვის ფინანსთა სამინისტროს საგამოძიებო სამსახურს გადაეცა.
21 სექტემბერს, სარფის საბაჟო გამშვები პუნქტის გავლით არადეკლარირებული ოქროს ნაკეთობების ქვეყანაში შემოტანა საქართველოს მოქალაქე, ს.გ-მ სცადა. მოქალაქის ბარგისა და ხელბარგის დათვალიერებისას შემოსავლების სამსახურის მებაჟე ოფიცრებმა არადეკლარირებული ოქროს ნაკეთობებიე:1 ც. ოქროს სამაჯური, 1 ც. ოქროს ყელსაბამი, 6ც. ოქროს ბეჭედი, 13ც. ოქროს სამეული, საერთო წონით 166,94 გრამი აღმოაჩინეს. საქონლის ღირებულებამ 6647.54 ლარი შეადგინა. ს.გ. დაჯარიმდა სსკ-ს 289-ე მუხლის მე-10 ნაწილით და სანქციის სახით შეეფარდა ჯარიმა 6647.54 ლარის ოდენობით