ზუგდიდში, სოციალურ კაფე Mego Bar-ში მოკლემეტრაჟიანი ფილმის პრემიერა გაიმართა. ახალგაზრდა შემოქმედებითმა ჯგუფმა, მაყურებელს დამწყები რეჟისორის ირაკლი ჩაკაბერიასა და ოპერატორის ირაკლი გამსახურდიას ფილმი „ამოკი“ წარუდგინეს. ფსიქიკური დაავადება, მკვლელობის დაუოკებელი სურვილია ანუ ამოკით შეპყრობილი ფილმის მთავარი გმირის ისტორია საინტერესოდ ვითარდება. ფსიქიკური პრობლემის მქონე ქალი მკვლელი ხდება და საბოლოოდ მის წარმოსახვაში არსებული სამყარო რეალური ხდება. ფილმი ახალგაზრდების პირველი მცდელობაა, რომელიც ყოველგვარი დაფინანსების გარეშე, მეგობრების თანადგომით გადაიღეს.ახალგაზრდების ჯგუფს სამომავლოდ უამრავი გეგმა აქვს, ისინი სრულმეტრაჟიანი ფილმის გადაღებასა და აუდიტორიის გაფართოებაზე ფიქრობენ.