იტალიის მედიის ცნობით, იტალიასა და გერმანიაში ჩატარებული სპეცოპერაციის შედეგად დაკავებულია 28 –კაციანი ბანდა, რომელშიც ძირითადად საქართველოდან, ქუთაისიდან ჩასული მოქალაქეები არიან გაერთიანებული. ამასთან, სამართალდამცავებმა ქალაქ რეჯიო-ემილიაშიაღმოაჩინეს საცავი , სადაც მოპარული ნივთები საქართველოში გაგზავნამდე ინახებოდა.
გამოცემა La Stampa, გამოძიების ინფორმაციაზე დაყრდნობით წერს, რომ 2015 წლიდან მოყოლებული დაჯგუფებას ტურინის, სავონას, ალესანდრიას, კუნეოსა და პავიას პროვინციებში სულ მცირე 85 სახლი და ოფისი აქვთ გაქურდული.
როგორც გამოცემა La Stampa წერს, დაჯგუფება ქუთაისის უმსხვილეს დანაშაულებრივ კლანს წარმოადგენს.