დავით საყვარელიძე: პეტრო პოროშენკო აპირებს მოქალაქეობა ჩამომართვას მე და კიდევ რამდენიმე მისადმი არალოიალურ პირს

0
449
უკრაინული პარტია „ახალი ძალების“ ერთ-ერთი ლიდერი დავით საყვარელიძე აცხადებს,  რომ პეტრო პოროშენკო აგრძელებს არასასურველი ოპონენტების გზიდან ჩამოშორების მცდელობას ყოვლად მიუღებელი მეთოდბით. ინფორმაციას ავრცელებს:
 
„ამ წუთას მივიღე არაოფიციალური და ჯერ დაუზუსტებელი ინფორმაცია იმის შესახებ, რომ პეტრო პოროშენკო აპირებს მოქალაქეობა ჩამომართვას მე და კიდევ რამდენიმე მისადმი არალოიალურ პირს მათი რიცხვიდან, ვისაც ორი წლის წინ ეს მოქალაქეობა მანვე მოგვანიჭა.– წერს თავის facebook გვერდზე დავით საყვარელიძე – ,მე ძალიან მაშინებს ჩვენი ქვეყნის ბედი, რომელსაც კლინიკური პარანოიით დაავადებული ადამიანი მართავს. ეს ადამიანია მთავარსარდალიც, კონსტიტუციის გარანტიც და ომის მონაწილე ქვეყნის ლიდერიც. არ დაგიმალავთ, მე ველოდებოდი მოვლენების ასეთ განვითარებას, მაგრამ ბოლო მომენტამდე ვფიქრობდი, რომ პოროშენკო საკუთარი იმიჯისა და რეპუტაციისთვის ასეთ მავნე გადაწყვეტილებას არ მიიღებდა. 
 
ადამიანის სახელმწიფოსთან დამაკავშირებელი ყველაზე მთავარი სიმბოლოს – პასპორტისა და მოქალაქეობის – ფეხქვეშ გათელვა – ძალიან ცუდი საქციელია. ეს არ შეშვენის არც მამაკაცს, არც პრეზიდენტს და არც მთავარსარდალს.
 
ვიდრე ხელისუფლებაში ღირსეული ხალხი არ მოვა და ქვეყანაში სამართლიანი სასამართლო არ შეიქმნება, მე იძულებული ვიქნები მოქალაქეობის აღდგენისთვის ახლანდელ ფსევდოდემოკრატიულ სასამართლოებში ვიბრძოლო“, – წერს დავით საყვარელიძე.
 
 
წინა სტატიარა მოხდა სარფის საბაჟოზე. რას ერჩოდნენ თურქი მესაზღვრეები აჭარის ტელევიზიის გადამღებ ჯგუფს?
შემდეგი სტატიაპრეზიდენტმა უარი თქვა პარლამენტის რიგგარეშე სხდომის დანიშვნაზე, თავმჯდომარე ნაწყენია, თუმცა ეს პრეზიდენტისგან არ უკვირს
ტელეკომპანია ოდიშის საინფორმაციო სამსახური