სანდრა რულოვსმა ბიზანტური მუსიკის გუნდის კონცერტზე საქართველოს ჰუმანიტარულ საჭიროებებზე, კერძოდ კი, ბავშვების, სტუდენტებისა და მოხუცების თაობაზე ისაუბრა. ამის შესახებ სანდრა რულოვსმა ფეისბუკის საკუთარ გვერდზე დაწერა.“ბიზანტური მუსიკის გუნდი ნიდერლანდების ქალაქ ტილბურგიდან ფონდი ,,SOCO” –ს ერთგული სპონსორია მრავალი წლის მანძილზე. საქართველოში ქველმოქმედების განხორციელებისათვის მათ მიერ ორგანიზებული კლასიკური მუსიკის კონცერტზე ვიყავი მიწვეული როგორც საპატიო სტუმარი, სადაც აუდიტორიას მივმართე საქართველოს ჰუმანიტარულ საჭიროებებზე, კერძოდ კი, ბავშვების, სტუდენტებისა და მოხუცების თაობაზე.ნამდვილად ძალიან სასიამოვნო იყო ცნობილ ჰოლანდიელ ავტორთან, არტურ ჟაპინთან ხელახალი შეხვედრა მისი ახალი წიგნის ,,კოლიას” პრეზენტაციაზე, ნიდერლანდებში. ეს ახალი ბესტსელერი, ისტორიული ნოველა ძმები ჩაიკოვსკების ცხოვრების შესახებ მოგვითხრობს. ვიმედოვნებ, რომ არტური კვლავ ესტუმრება საქართველოს, სადაც მას ამდენი საინტერესო ისტორია ელოდება, რომელთა ასახვასაც თავის წიგნებში შესძლებს, რათა სიცოცხლე შესძინოს მათ და გააცნოს მსოფლიოს.“- წერს სანდრა რულოვსი