თუშეთში, სოფელ გირევთან ხმელ ბალახს კვლავ უკიდია ცეცხლი, რომელიც წუხელ, გვიან ღამით გაჩნდა.
საგანგებო სიტუაციების მართვის სააგენტოს ცნობით, ადგილზე მეხანძრე-მაშველების რამდენიმე ჯგუფი მუშაობს, ხანძრის საწინააღმდეგო სამუშაოებში მონაწილეობას რეინჯერები და მეტყევეებიც იღებენ.მაგრამ , მაგრამ ხანძრის კერებამდე მიახლოება რთულია, რადგან ცეცხლი ძირითადად კლდეზეა გავრცელებული და გადაადგილება ჭირს.
თუშეთში ხანძარის ეს უკვე მესამე შემთხვევაა.
ხანძარია ადიგენში, ღარღვლის ტყეში. ხანძრის კერებთან მიახლოებას მთელი ღამის განმავლობაში ცდილობდნენ მეხანძრე მაშველები, თუმცა რთული რელიეფის და დაბალი ხილვადობის გამო, ცეცხლის ლოკალიზება ამ დრომდე ვერ ხერხდება.
ხანძრის კერებთან მისასვლელად მიმდინარეობს გზის გაჭრაც. ცეცხლი დასახლებულ პუნქტებს რამდენიმე კილომეტრით არის დაშორებული. ადგილობრივი ხელისუფლების მტკიცებით, მოსახლეობას საფრთხე არ ემუქრება