ზურაბ სოტკილავას ცხოვრების დრამა: მე არ ჩავდივარ აფხაზეთში, რადგან ბევრი ქართველი, რომლებსაც საკუთარი სახლები მიტოვებული აქვთ, იქ ვერ ჩადის …

0
406

ცნობილი ქართველი საოპერო მომღერალი ზურაბ სოტკილავა წუხელ გვიან ღამით მოსკოვიდან თბილისში ჩამოასვენეს. არტისტს აეროპორტში ოჯახის წევრები, საპატიო ყარაული და ანზორ ერქომაიშვილის ანსამბლი დახვდა, რის შემდეგაც ის საკუთარ სახლში გადაასვენეს.

ზურაბ სოტკიკავას  შაბათს, საბურთალოს სასაფლაოზე დაკრძალავენ.
სამოქალაქო პანაშვიდი ოპერის თეატრში 23 სექტემბერს დილიდან გაიმართება. 
 
ზურაბ სოტკილავა ხანგრძლივი ავადმყოფობის შედეგად გარდაიცვალა. მან თითქოს  დაამარცხა კიბო  წარმატებული ოპერაციისა და ქიმიოთრაპიის კურსის გავლით , მაგრამ  სენმა ბოლოს მაინც თავისი გაიტანა… 
ზურაბ სოტკილავა ვერც მშობლიურ ოტობაიაში ჩავიდა და ვერც სოხუმში… თუმცა ამის ყველა შესაძლებლობა ჰქონდა…
 
 პოპულარულ თოქ-შოუში ,,ამ საღამოს ანდრეი მალახოვთან'',  რომელიც  მისი გამოჯანმრთელების თემას მიეძღვნა, მას უჩვენეს კადრები, რომელიც აგფხაზეთში, მისი მშობლების მოუვლელ, სარეველათი გადაფარულ  საფლავზე იყო გადაღებული,  მოპარული იყო სოტკილავას მშობლების  საფლავის  ქვებიც… – მან   ემოცია ვერ დამალა და იტირა…
 
ანდრეი მალახოვის კითხვაზე …რატომ არ  ჩადიოდა მშობლების საფლავზე,   სოტკილავამ უპასუხა… ,, ომის მერე არ ჩავსულვარ აფხაზეთში… მე მყავს საკმაოდ გავლენიანი აფხაზი მეგობრები, რომელთაც შეუძლიათ ჩემი უსაფრთხო ჩასვლა უზრუნველყონ სოხუმში… მაგრამ იმის გამო, რომ ბევრი ქართველი, რომლებსაც საკუთარი სახლები მიტოვებული აქვთ და ვერ ჩადიან აფხაზეთში… მეც არ ჩავდივარ იქ… არ მინდა მათ ვაწყენინო,,
 
გადაცემაში სტუმრად მოწვეულმა, მოსკოვში მცხოვრებმა აფხაზმა საოპერო მომღერალმა ქალმა ხიბლა გერზმავამ,  ზურაბ სოტკილავას ურჩია, რომ, მიუხედავად ყველაფრისა, ჩავიდეს სოხუმში ,,თუ თქვენ ჩახვალთ სოხუმში… თქვენ არავინ არაფერს გეტყვით… რადგან თქვენ ზურაბ სოტკილავა ხართ,, – განაცხადა გერზმავამ.
 
მიცვალებულზე ან კარგს ამბობენ ან არაფერს… ზურაბ სოტკილავას ხელის გულზე ატარებდნენ მოსკოვში, ყოველ შემთხვევაში ასე ჩანდა… ვალი გადასახდელია და მასაც მიუღია ოკუპანტისგან სამთავრობო ჯილდოები, ბევრი რამ უთქვამს ისეთი, რასაც გარემოება აიძულებდა … მაგრამ ამის საპირწონე ყოველთვის იყო გულში ღრმად დამარხული ტკივილი, რომელიც დროდადრო ამოხეთქავდა ხოლმე… ასეთ მომენტებშიც კი.
 
ასეთი იყო დრამატული ტენორის ცხოვრების დრამა და  ის დაბრუნდა,  თბილისში. ჯერჯერობით.

წინა სტატია,,არასდროს შეგეშინდეთ იყოთ აბსულუტურად განსხვავებული ხედვების შემომტანი” – პრეზიდენტი მარგველაშვილი
შემდეგი სტატიამართლმადიდებელი ეკლესია ყოვლადწმინდა ღვთისმშობელ მარიამის შობას დღესასწაულობს
ტელეკომპანია ოდიშის საინფორმაციო სამსახური