თერჯოლის მუნიციპალიტეტის სოფელ ნახშირღელეს ტყეში ხანძარია. რაიონის გამგებლის, თემურ ქოჩიაშვილის ინფორმაციით, ადგილზე მობილიზებულია ოთხი სახანძრო ბრიგადა. აღნიშნულ ტერიტორიაზე განთავსებულია სამხედრო პოლიგონი, თუმცა გამგებელი განმარტავს, რომ ამ ეტაპზე არ არსებობს საფრთხე, რომ ცეცხლი პოლიგონზე გავრცელდეს. ამ დროისთვის ცეცხლი დაახლოებით ერთ ჰექტარ ტყეს უკიდია.