ასტრონომიული საოცრება აბასთუმნიდან [Video]

საქართველოში კოსმოსს 1932 წლიდან აკვირდებიან. ამ პერიოდში დაარსდა აბასთუმნის ასტროფიზიკური ობსერვატორია, რომელიც ასტრონომიული დაკვირვებებისთვის უნიკალური პირობებით ხასიათდება. აბასთუმანი ერთ-ერთი ადგილია, სადაც პირველი ქართველი ასტროფოტოგრაფები ღამის ცას აფიქსირებენ. Geo-Astro ქართველი ასტროფოტოგრაფებისგან შემდგარი ჯგუფია, მათ ნამუშევრებს საქართველოში ნაკლებად იცნობენ, თუმცა კამერაზე აღბეჭდილმა ქართულმა ცამ ისეთი გამოცემების აღიარება დაიმსახურაა, როგორიცაა aapodx2-ი და astrobin-ი. ქართველი ასტროფოტოგრაფების ნამუშევრები გამოცემა aapodx2-მა დღის ფოტოებადაც დაასახელა.როგორც ჯგუფის წევრი, ლევან ვერძეული "ბიზნესკონტაქტთან" საუბრისას აღნიშნავს, ასტროფოტოგრაფია, ტრადიციული ფოტოგრაფიისგან განსხვავებით, ტექნიკურად გაცილებით რთულად შესასრულებელია და ერთი სურათის გადაღებას ხშირად რამდენიმე ღამეც კი სჭირდება."ვიზუალურ ასტრონომიას საქართველოში დიდი ისტორია აქვს და აბასთუმნის ასტროფიზიკურ ობსერვატორიას უკავშირდება. ასტროფოტოგრაფია მასთან შედარებით ახალი ტენდენციაა მსოფლიოშიც და საქართველოშიც.ასტროფოტოგრაფიის პოპულარობა მსოფლიოში იზრდება, რადგან ტელესკოპები, ასტრო კამერები და სხვა აპარატურა შედარებით ხელმისაწვდომი გახდა. თუმცა თავის სპეციფიკასთან დაკავშირებული სირთულიდან გამომდინარე, პოპულარობით მაინც ჩამორჩება ფოტოგრაფიის სხვა ჟანრებს. საქართველოში შორეული კოსმოსის გადაღებით ამჟამად მხოლოდ ჩვენ ვართ დაკავებული, ღამის ცას კი (ირმის ნახტომი, ღამის პეიზაჟები) შედარებით ბევრი ფოტოგრაფი იღებს“, – ამბობს ლევან ვერძეული.

ასტრონომიული საოცრება აბასთუმნიდან [Video]

სიახლეები

უფრო ძლიერი უნდა დავბრუნდე ჩემი ხალხისთვის – ხვიჩა კვარაცხელია მიმართვას აქვეყნებს

ზელენსკის უნდა სურდეს ამ ომის დასრულება და თუ მას ეს არ სურს, ვფიქრობ, ეს ძალიან ცუდი ამბავი იქნება -ტრამპი

რუბიო- უკრაინელები მამაცურად იბრძოდნენ, მაგრამ აშშ-ს გარეშე უკრაინა აღარ იარსებებდა

საკონსტიტუციო სასამართლოს თავმჯდომარემ ხატია დეკანოიძე დარბაზიდან გააძევა