მექსიკაში დამანგრეველი მიწისძვრა მოხდა, 7.1 მაგნიტუდის სიძლიერის მიწისქვეშა ბიძგებმა ქვეყნის ცენტრალურ რეგიონებში ძლიერი ნგრევა გამოიწვია.
მიწისძვრის ეპიცენტრი დედაქალაქის მახლობლად მდებარე შტატ პუებლოში იყო.
მობილიზებულია სამაშველო სამსახურები, არმია, სამძებრო სამუშაოებში ჩართულია მოსახლეობაც,
ტრაგედიის შედეგები და მასშტაბები, ზარალის, ადამიანური მსხვერპლის ოდენობა ჯერ კიდევ უცნობია. ბოლო ინფორმაციით, დაღუპულია 226 ადამიანი.
დანგრეულია ათეულობით შენობა მეხიკოში, მათ შორის სკოლა, სადაც მიწისძვრის დროს 50 ზე მეტი მოსწავლე და მათი მასწავებლები იმყოფებოდენ. ნანგრევებში უკვე იპოვეს 20 ცხედარი, დანარჩენი 30 უგზოუკვლოდ დაკარგულად ითვლება, მათ ცხედრებს აქამდე უშედეგოდ ეძებენ. ნგრევის სიმძიის გამო ვინმეს ცოცხლად პოვნის იმედი არ არის.
მეხიკოს აეროპორტი დახურულია, მოსახლეობის დიდი ნაწილი ევაკუირეულია დაზიანებული შენობებიდან.
ხელისუფლების ცნობით, როგორც მინიმუმ 3,8 მილიონი კაცი ელექტროენერგიის გარეშე დარჩა
მექსიკაში მომხდარ დამანგრეველ მიწისძვრას მსოფლიო ლიდერები ეხმაურებიან..
Twitter-ის საშუალებით დონალდ ტრამპმა მექსიკელებს სოლიდარობა გამოუცხადა და დახმარებას დაჰპირდა.
დაღუპულების ოჯახებს მიუსამძიმრეს შეერთებული შტატების სახელმწიფო დეპარტამენტში.
„ჩვენ მზად ვართ დახმარებისთვის, თუკი ჩვენი მეზობელი ქვეყანა ამის სურვილს გამოთქვამს”,-ნათქვამია სახელმწიფო დეპარტამენტის ოფიციალურ ვებგვერდზე გამოქვეყნებულ განცხადებაში.
