რუსეთის მედიის ცნობით, გუშინ სანკ-პეტერბურგის სიახლოვეს მიმდინარე სამხედრო სწავლების ,, დასავლეთი- 2017 '' დროს გაშვებული ,,ჰაერი – მიწა'' კლასის ორი რაკეტა მაყურებლის თავზე აფეთქდა .
,, პოლიგონ ,,ლუჟსკიზე'' მიმდინარე სწავლების დროს ვერტმფრენ კა 52 – ის მიერ გაშვებულ რაკეტებს მიზნამდე 500 მეტრი რჩებოდათ, როცა მოულოდნელად მართვის სიტემაში რაღაც მოიშალა და ფრენის ტრაექტორია მკვეთრად შეიცვალა – იუწყება 66.RU კარგად ინფორმირებულ წყაროზე დაყრდნობით. – ორივე რაკეტა მაყურებლის მიმართულებით წავიდა და მათ თავზე აფეთქდა. ნამსხვრევები ხალხს დაააცვივდა თავზე. შედეგად მძიმედ დაშავდა ორი ადამიანი, სავარაუდოდ, ჟურნალისტები, სერიოზული დაზიანებებით ჰოსპიტალში არიან გადაყვანილი. დაიწვა იქ მდგარი ორი ავტომობილიც''.
რუსეთის მედიის ცნობით , 18 სექტემბერს, სწორედ იმ დღეს, დილით, როცა ინცინდენტი მოხდა, პოლიგონი მოინახულა ვლადიმერ პუტინმა, , მაგრამ ამ ფაქტზე ხელისუფლება დუმს. ეს ბადებს ეჭვებს, რომ ,,რაღაცის ''მოშლა, შესაძლოა, სულაც არ იყო შემთხვევითი და საქმე მასზე თავდასხმის მცდელობასთან გვქონდა .